Login 
പഠിക്കാം & സമ്പാദിക്കാം 
Home
12 May 2023 12:18 PM IST
Summary
- നിരക്ക് നോണ് എ.സി ക്ലാസില് 22,900 രൂപയും തേഡ് എ.സിയില് 36,050 രൂപ
- ടൂര് എസ്കോര്ട്ടിന്റെയും സുരക്ഷാ ജീവനക്കാരുടെയും സേവനം
- ലക്ഷ്യം രാജ്യത്തിന്റെ ആഭ്യന്തര ടൂറിസം പ്രോത്സാഹിപ്പിക്കാനും സാംസ്കാരിക പൈതൃകം പരിപോഷിപ്പിക്കാനും
അവധിക്കാലത്ത് വിനോദസഞ്ചാര കേന്ദ്രങ്ങള് സന്ദര്ശിക്കാന് സൗകര്യമൊരുക്കി ഇന്ത്യന് റെയില്വേ. റെയില്വേ കാറ്ററിങ് ആന്ഡ് ടൂറിസം കോര്പറേഷന്റെ (ഐ.ആര്.സി.ടി.സി) ഭാരത് ഗൗരവ് ട്രെയിന് ടൂര് 19നു കേരളത്തില് നിന്നു പുറപ്പെട്ട് 30നു തിരികെയെത്തും. ഹൈദരാബാദ്, ആഗ്ര, ഡല്ഹി, ജയ്പൂര്, ഗോവ എന്നിവിടങ്ങളിലൂടെ കടന്നുപോകുന്ന യാത്രയില് റാമോജി ഫിലിം സിറ്റി, താജ്മഹല്, ചെങ്കോട്ട, രാജ്ഘട്ട്, ലോട്ടസ് ടെംപിള്, ഖുത്ബ് മിനാര് തുടങ്ങിയ സ്ഥലങ്ങള് സന്ദര്ശിക്കാം.
750 പേര്ക്കാണ് അവസരം. നോണ് എ.സി ക്ലാസില് 22,900 രൂപയും തേഡ് എ.സിയില് 36,050 രൂപയുമാണു നിരക്ക്. ട്രെയിന് യാത്ര, രാത്രി താമസം, യാത്രയ്ക്കുള്ള വാഹനം എന്നിവ ഇതില് ഉള്പ്പെടും. എന്നാല് ടൂറിസ്റ്റ് കേന്ദ്രങ്ങളിലെ സന്ദര്ശന ഫീസ് ഉള്പ്പെടില്ല. ടൂര് എസ്കോര്ട്ടിന്റെയും സുരക്ഷാ ജീവനക്കാരുടെയും സേവനം ലഭിക്കും. സഞ്ചാരികള്ക്ക് ഇന്ഷുറന്സ് പരിരക്ഷയുമുണ്ടാകും.
കൊച്ചുവേളി, കൊല്ലം, കോട്ടയം, എറണാകുളം ടൗണ്, തൃശൂര്, ഒറ്റപ്പാലം, പാലക്കാട് ജങ്ഷന് എന്നിവിടങ്ങളില് നിന്നും ട്രെയിനില് കയറാം. മടക്കയാത്രയില് കണ്ണൂര്, കോഴിക്കോട്, ഷൊര്ണൂര്, തൃശൂര്, എറണാകുളം ടൗണ്, കോട്ടയം, കൊല്ലം, കൊച്ചുവേളി എന്നിവിടങ്ങളില് ഇറങ്ങാം. ട്രെയിന് ഓരോ സ്റ്റേഷനിലും എത്തുന്ന സമയം സഞ്ചാരികളെ മുന്കൂട്ടി അറിയിക്കും.
രാജ്യത്തിന്റെ ആഭ്യന്തര ടൂറിസം പ്രോത്സാഹിപ്പിക്കാനും സാംസ്കാരിക പൈതൃകം പരിപോഷിപ്പിക്കാനും ലക്ഷ്യമിട്ടാണു ഭാരത് ഗൗരവ് ടൂറിസ്റ്റ് ട്രെയിന് പദ്ധതിയെന്ന് അഡീഷനല് ഡിവിഷനല് റെയില്വേ മാനേജര് സി.ബി സക്കീര് ഹുസൈന് പറയുന്നു.
ബുക്കിങ്ങിന്
ബുക്കിങ്ങിനായി ഐ.ആര്.സി.ടി.സി വെബ്സൈറ്റിലും റെയില്വേ സ്റ്റേഷനുകളിലെ ഐ.ആര്.സി.ടി.സി കൗണ്ടറുകളിലും ബന്ധപ്പെടാം. തിരുവനന്തപുരം: 8287932095, എറണാകുളം: 8287932082, കോയമ്പത്തൂര്: 9003140655, കോഴിക്കോട്: 8287932098.