രൂപയ്ക്ക് 26 പൈസയുടെ ഇടിവ്; വിപണി നേട്ടത്തിൽ

ഡോളറിനെതിരെ രൂപക്ക്‌ ഇടിവ്. 26പൈസയുടെ നഷ്ടത്തോടെ 85.45 എന്ന നിലയിലാണ് വ്യാപാരം അവസാനിച്ചത്. ക്രൂഡ് ഓയിൽ വിലയിലെ വർധനയാണ് രൂപയുടെ മൂല്യം ഇടിയാൻ കാരണമായത്.

ഇന്ന് 85.24 എന്ന നിലയിലാണ് രൂപയുടെ വ്യാപാരം ആരംഭിച്ചത്. ഇന്നലത്തെ വ്യാപാരത്തിൽ ഡോളറിനെതിരെ രൂപയുടെ മൂല്യം 4 പൈസയുടെ ഷ്ടത്തോടെ 85.19 എന്ന നിലയിലാണ് വ്യാപാരം അവസാനിപ്പിച്ചത്.

അതേസമയം, ആറ് കറൻസികളുടെ ഒരു ബാസ്കറ്റിനെതിരെ ഗ്രീൻബാക്കിന്റെ ശക്തി അളക്കുന്ന ഡോളർ സൂചിക 0.02 ശതമാനം ഉയർന്ന് 98.93 എന്ന നിലയിലായിരുന്നു വ്യാപാരം. ആഗോള എണ്ണ മാനദണ്ഡമായ ബ്രെന്റ് ക്രൂഡ്, ഫ്യൂച്ചേഴ്‌സ് വ്യാപാരത്തിൽ ബാരലിന് 1.32 ശതമാനം ഉയർന്ന് 68.33 യുഎസ് ഡോളറിലെത്തി.

ഓഹരി വിപണിയിൽ സെൻസെക്‌സ് 520.90 പോയിന്റ് അഥവാ 0.65 ശതമാനം ഉയർന്ന് 80,116.49 എന്ന നിലയിലും നിഫ്റ്റി 161.70 പോയിന്റ് അഥവാ 0.67 ശതമാനം ഉയർന്ന് 24,328.95 എന്ന നിലയിലും എത്തി.