ഏഷ്യയിലെ മികച്ച റെസ്റ്റോറന്റുകളുടെ പട്ടിക; മൂന്നെണ്ണം ഇന്ത്യയില്‍ നിന്ന്

ഈ വര്‍ഷം ഏഷ്യയിലെ ഏറ്റവും മികച്ച 50 റെസ്റ്റോറെന്റുകളുടെ പട്ടിക പുറത്തുവന്നു. മൂന്ന് ഇന്ത്യന്‍ റെസ്റ്റോറെന്റുകളാണ് പട്ടികയില്‍ ഇടം നേടിയത്. ചെന്നൈയിലെ ഐടിസി ഗ്രാന്‍ഡ് ചോളയിലെ ആവര്‍ത്തനക്കൊപ്പം ന്യൂ ഡല്‍ഹിയിലെ ഇന്ത്യന്‍ ആക്സന്റ് ആദ്യ 50-ല്‍ സ്ഥാനം നിലനിര്‍ത്തി. കഴിഞ്ഞ വര്‍ഷം പട്ടികയില്‍ ഇടം പിടിച്ച മുംബൈയിലെ റെസ്റ്റോറന്റ് മാസ്‌ക് ഈ വര്‍ഷും ഇടം കണ്ടെത്തി.

ഈ വര്‍ഷം 23-ാം സ്ഥാനത്തെത്താന്‍ കുറച്ച് റാങ്കുകള്‍ പിന്തള്ളപ്പെട്ടെങ്കിലും, ഇന്ത്യന്‍ ആക്‌സന്റിനെയും ആവര്‍ത്തനയെയും പിന്തള്ളി മാസ്‌ക് ലിസ്റ്റിലെ ഏറ്റവും മികച്ച ഇന്ത്യന്‍ റെസ്റ്റോറന്റായി തുടരുന്നു. 2016-ല്‍ പ്രതീക് സാധുവും അദിതി ദുഗറും ചേര്‍ന്ന് സ്ഥാപിച്ച മാസ്‌ക്, ഇന്ത്യയിലെ ഏറ്റവും മികച്ച റെസ്റ്റോറന്റ് എന്ന അസൂയാവഹമായ പദവി ഒരിക്കല്‍ കൂടി സ്വന്തമാക്കി.

ന്യൂഡല്‍ഹിയിലെ ഇന്ത്യന്‍ ആക്സന്റ് തുടര്‍ച്ചയായ ഒന്‍പതാം വര്‍ഷമാണ് പട്ടികയിലിടം നേടുന്നത്.

ഏഷ്യയിലെ 50 മികച്ച റെസ്റ്റോറന്റുകള്‍ അക്കാദമിയാണ് പട്ടിക തയ്യാറാക്കിയത്. 300-ലധികം പാചകക്കാര്‍, റെസ്റ്റോറേറ്റര്‍മാര്‍, ഭക്ഷ്യ നിരൂപകര്‍, ഏഷ്യയിലെ ഭക്ഷണ രംഗത്തിനെക്കുറിച്ച് അറിവുള്ള എഴുത്തുകാര്‍ എന്നിവര്‍ ഈ ലിസ്റ്റ് ക്യൂറേറ്റ് ചെയ്യുന്നു.

ഈ വര്‍ഷം, ടോക്കിയോയിലെ സെസാന്‍ ഏഷ്യയിലെ ഏറ്റവും മികച്ച റസ്റ്റോറന്റ് എന്ന പദവി നേടി. മികച്ച നിലവാരമുള്ള ജാപ്പനീസ് ചേരുവകള്‍ ഉപയോഗിച്ച് ക്ലാസിക്കല്‍ രീതിയില്‍ വേരൂന്നിയ ഫ്രഞ്ച് വിഭവങ്ങള്‍ വാഗ്ദാനം ചെയ്യുന്നതിനാണ് മിഷേലിന്‍ സ്റ്റാര്‍ ഉള്ള റെസ്റ്റോറന്റ് അറിയപ്പെടുന്നത്. കഴിഞ്ഞ വര്‍ഷം പട്ടികയില്‍ സെസാന്‍ രണ്ടാം സ്ഥാനത്തായിരുന്നു.

ഈ വര്‍ഷം രണ്ടാം സ്ഥാനവും ടോക്കിയോയിലെ ഒരു സ്ഥാപനത്തിനാണ് - ഫ്‌ലോറിലെജ്. ബാങ്കോക്കിലെ ഗഗ്ഗന്‍ ആനന്ദ് മൂന്നാം സ്ഥാനത്തെത്തി.നാലും അഞ്ചും സ്ഥാനങ്ങള്‍ ഹോങ്കോംഗിലുള്ള സ്ഥാപനങ്ങള്‍ക്കാണ്.

ഡെല്‍ഹിയിലെ ഇന്ത്യന്‍ ആക്‌സന്റ് 26-ാം സ്ഥാനത്തും ചെന്നൈയിലെ ആവര്‍ത്തന 44-ാം സ്ഥാനത്തുമാണ്.