ജലസംരക്ഷണ പ്രവര്‍ത്തനം: പുരസ്‌കാരം ആര്‍ട്ട് ഓഫ് ലിവിംഗിന്

ജലസംരക്ഷണ പ്രവര്‍ത്തനങ്ങള്‍ക്കുള്ള പ്രശസ്തമായ ഗ്ലോബല്‍ സിഎസ്ആര്‍ & ഇഎസ്ജി അവാര്‍ഡ് ആര്‍ട്ട് ഓഫ് ലിവിംഗിന്. എന്‍ജിഒയുടെ 2024-ലെ പ്രവര്‍ത്തനങ്ങളെ മുന്‍നിര്‍ത്തിയാണ് പുരസ്‌കാരം.

ആത്മീയ നേതാവായ ശ്രീ ശ്രീ രവിശങ്കറിന്റെ മാര്‍ഗനിര്‍ദേശപ്രകാരം ഇന്ത്യയിലെ വറ്റിവരണ്ട നദികളെ പുനരുജ്ജീവിപ്പിക്കുന്നതിലും ജലപ്രതിസന്ധിയെ സുസ്ഥിരമായ പരിഹാരങ്ങളിലൂടെ പരിഹരിക്കുന്നതിലും ആര്‍ട്ട് ഓഫ് ലിവിംഗ് ശ്രദ്ധ കേന്ദ്രീകരിക്കുന്നു. സ്വാഭാവിക ജലചക്രം പുനഃസ്ഥാപിക്കുന്നതിലും രാജ്യത്തുടനീളമുള്ള നദികള്‍, അരുവികള്‍, തടാകങ്ങള്‍, ജലസംഭരണികള്‍ എന്നിവയുടെ അവസ്ഥ പുനരുജ്ജീവിപ്പിക്കുന്നതിലും സംഘടന പ്രവര്‍ത്തിക്കുന്നു.

ഭൂഗര്‍ഭജല റീചാര്‍ജ് തടസ്സപ്പെട്ടതിനാല്‍ മഴയെ ആശ്രയിച്ചുള്ള നദികള്‍ വറ്റിവരളുകയാണ്.ഈ പ്രതിസന്ധിയെ ആര്‍ട്ട് ഓഫ് ലിവിംഗ് ഇതിനെ ഒരു ബഹുമുഖ സമീപനത്തിലൂടെ അഭിസംബോധന ചെയ്യുന്നു.

സുസ്ഥിര ജല മാനേജ്‌മെന്റിനായി പ്രാദേശിക നേതൃത്വത്തെ ശാക്തീകരിക്കുക, നൂതനമായ ജിഐഎസും റിമോട്ട് സെന്‍സിംഗും ഉപയോഗിച്ച് മികച്ച തീരുമാനങ്ങള്‍ എടുക്കുക, മഴവെള്ള സംഭരണത്തിലൂടെ ഭൂഗര്‍ഭജലം നിറയ്ക്കുകയും ജൈവവൈവിധ്യം മെച്ചപ്പെടുത്തുകയും ചെയ്യുക, വനവല്‍ക്കരണം നടത്തുക തുടങ്ങി നിരവധി കാര്യങ്ങളില്‍ സംഘടന പ്രവര്‍ത്തിക്കുന്നു.

70-ലധികം നദികളെയും അവയുടെ പോഷകനദികളെയും അരുവികളെയും ആര്‍ട്ട് ഓഫ് ലിവിംഗ് പുനരുജ്ജീവിപ്പിക്കുന്നു. എട്ട് സംസ്ഥാനങ്ങളിലായി 90,000-ത്തിലധികം ഭൂഗര്‍ഭജല റീചാര്‍ജ് ഘടനകള്‍ സംഘടന നിര്‍മ്മിച്ചിട്ടുണ്ട്. നദീതടങ്ങളില്‍ ഏഴുലക്ഷത്തില്‍പരം മരങ്ങളും നട്ടുപിടിപ്പിച്ചിട്ടുണ്ട്.

ആര്‍ട്ട് ഓഫ് ലിവിങ്ങിന്റെ ഈ മുന്‍നിര മുന്‍നിര സംരംഭം സുസ്ഥിര ഭൂഗര്‍ഭ ജലവിതാനം റീചാര്‍ജ് ചെയ്യാന്‍ ലക്ഷ്യമിട്ടുള്ളതാണ്. അടുത്ത അഞ്ച് വര്‍ഷത്തിനുള്ളില്‍ 100,000 ഗ്രാമങ്ങളെ ലക്ഷ്യമാക്കി 500,000 റീചാര്‍ജ് ഘടനകള്‍ നടപ്പിലാക്കാനാണ് സംഘടന ലക്ഷ്യമിടുന്നത്.

ഗുഡ്ഗാവിലെ ഹയാത്ത് റീജന്‍സിയില്‍ നടന്ന ചടങ്ങില്‍ ആര്‍ട്ട് ഓഫ് ലിവിംഗ് സോഷ്യല്‍ പ്രോജക്ട്സിന്റെ ചെയര്‍മാന്‍ പ്രസന പ്രഭു, സംഘടനയെ പ്രതിനിധീകരിച്ച് അവാര്‍ഡ് ഏറ്റുവാങ്ങി.