Foreign Tour Indians:ഇന്ത്യക്കാര്‍ക്ക് കുറഞ്ഞ ചെലവില്‍ വിദേശയാത്ര നടത്താം. അന്താരാഷ്ട്ര ടൂര്‍ പാക്കേജുകളിലെ ടിസിഎസ് നിരക്ക് കുറയും

വിദേശ യാത്ര നടത്താന്‍ പദ്ധതിയിടുന്ന ഇന്ത്യക്കാര്‍ക്ക് ആശ്വാസം നല്‍കുന്ന ബജറ്റാണ് കേന്ദ്ര ധനമന്ത്രി നിര്‍മ്മല സീതാരാമന്‍ പ്രഖ്യാപിച്ചത്. വിദേശ ടൂര്‍ പാക്കേജുകളുടെ ടിസിഎസ് 2% ആയി കുറച്ചു, വിദേശ ടൂര്‍ പ്രോഗ്രാം പാക്കേജുകളിലെ നികുതി കുറയുന്നതോടെ അന്താരാഷ്ട്ര ടൂര്‍ പാക്കേജുകള്‍ കൂടുതല്‍ താങ്ങാനാവുന്നതും ലളിതവുമാകും.

ഇന്ത്യയില്‍ നിന്നും വിദേശത്തേക്ക് യാത്ര ചെയ്യുന്ന മലയാളികള്‍ ഉള്‍പ്പെടെയുള്ളവര്‍ക്ക് ഇതിന്റെ ഗുണം ലഭിക്കും. നേരത്തെ, ഉയര്‍ന്ന ടിസിഎസ് കിഴിവുകള്‍ കാരണം ഒരു വിദേശത്തേക്കുള്ള ടൂര്‍ ബുക്ക് ചെയ്യുന്നത് പ്രാരംഭ ചെലവില്‍ കുത്തനെ വര്‍ദ്ധനവിന് കാരണമായിരുന്നു. ടിസിഎസ് നിരക്ക് കുറച്ചതോടെ പ്രവാസികള്‍ക്ക് ഇത് ഗുണം ചെയ്യും. അന്താരാഷ്ട്ര ടൂര്‍ പാക്കേജുകള്‍ ബുക്ക് ചെയ്യുമ്പോള്‍ മുന്‍കൂര്‍ നികുതി ഭാരം ഇത് കുറയ്ക്കും.