Kuwait Health Insurance:സന്ദര്‍ശകര്‍ക്കും താമസക്കാര്‍ക്കുമുള്ള ആരോഗ്യ ഇന്‍ഷുറന്‍സ് ഫീസ് വര്‍ധിപ്പിച്ച് കുവൈറ്റ്

കുവൈറ്റില്‍ സന്ദര്‍ശകര്‍ക്കും താമസക്കാര്‍ക്കുമുള്ള ആരോഗ്യ ഇന്‍ഷുറന്‍സ് ഫീസ് വര്‍ധിപ്പിച്ചു. കുടുംബ വിസക്കാര്‍ക്കും വര്‍ക്ക് പെര്‍മിറ്റിനും 50 ദിനാറില്‍ നിന്ന് 100 ദിനാറായി വര്‍ധിപ്പിച്ചു. താമസത്തിനുള്ള എട്ട് തരം എന്‍ട്രി വിസകള്‍ക്ക് 5 ദിനാറും കാര്‍ഷിക തൊഴിലാളികള്‍ മത്സ്യത്തൊഴിലാളികള്‍, ഇടയന്മാര്‍ എന്നിവര്‍ക്ക് 10 ദിനാറുമായി ഫീസ് കൂട്ടി.

വിദേശികള്‍ക്കുള്ള ആരോഗ്യ ഇന്‍ഷുറന്‍സിനെക്കുറിച്ചുള്ള ഭേദഗതികള്‍ക്കും ആരോഗ്യമന്ത്രി ഡോ. അഹമ്മദ് അല്‍-അവാദി എക്‌സിക്യൂട്ടീവ് നിയന്ത്രണങ്ങള്‍ പുറപ്പെടുവിച്ചു. റെസിഡന്‍സി അല്ലെങ്കില്‍ വിസിറ്റ് വിസകള്‍ക്ക് ആരോഗ്യ ഇന്‍ഷുറന്‍സ് നിര്‍ബന്ധമാക്കുന്നതായി ആരോഗ്യമന്ത്രി അറിയിച്ചു. ഡിസംബര്‍ 23 മുതല്‍ പുതുക്കിയ നിരക്ക് പ്രാബല്യത്തില്‍ വരും.