ഭവനവായ്പ എടുത്തവർക്ക് വൻ ആശ്വാസം! ബാങ്കുകൾ പലിശ നിരക്കുകൾ കുറച്ചു

ഭവന വായ്പ എടുത്തവര്‍ക്ക് ആശ്വാസമായി പ്രമുഖ ബാങ്കുകള്‍ വായ്പാ പലിശ നിരക്കുകള്‍ കുറച്ചു. ഡിസംബര്‍ 5-ന് റിസര്‍വ് ബാങ്ക് ഓഫ് റിപ്പോ നിരക്ക് 25 ബേസിസ് പോയിന്റ് കുറച്ച് 5.25% ആക്കിയതിനു പിന്നാലെയാണ് ബാങ്കുകളുടെ നടപടി. മിക്ക മുന്‍നിര വായ്പാദാതാക്കളും അവരുടെ എം.സി.എല്‍.ആര്‍ , ആര്‍.എല്‍.എല്‍.ആര്‍, ആര്‍.ബി.എല്‍.ആര്‍ തുടങ്ങിയ ബെഞ്ച്മാര്‍ക്ക് നിരക്കുകള്‍ കുറച്ചു.

നിരക്കു കുറച്ച പ്രധാന ബാങ്കുകളും മാറ്റങ്ങളും

എച്ച്.ഡി.എഫ്.സി. ബാങ്ക്

ബാങ്ക് തങ്ങളുടെ മാര്‍ജിനല്‍ കോസ്റ്റ് ഓഫ് ഫണ്ട്‌സ് അടിസ്ഥാനമാക്കിയുള്ള വായ്പാ നിരക്കായ 5 ബേസിസ് പോയിന്റ് വരെ കുറച്ചു. ഇതോടെ എച്ച്.ഡി.എഫ്.സി. ബാങ്കിന്റെ എം.സി.എല്‍.ആര്‍. 8.35%-8.60% എന്നതില്‍ നിന്ന് 8.30%-8.55% എന്ന നിലയിലേക്ക് എത്തി.

പഞ്ചാബ് നാഷണല്‍ ബാങ്ക്

പഞ്ചാബ് നാഷണല്‍ ബാങ്ക് റിപ്പോ ലിങ്ക്ഡ് ലെന്‍ഡിംഗ് റേറ്റ് 8.35% എന്നതില്‍ നിന്ന് 8.10% ആയി കുറച്ചു. ആര്‍.ബി.ഐ.

ബാങ്ക് ഓഫ് ബറോഡ

ബാങ്ക് തങ്ങളുടെ ബെഞ്ച്മാര്‍ക്ക് റീട്ടെയില്‍ ലോണ്‍ ലെന്‍ഡിംഗ് റേറ്റ് 8.15% ല്‍ നിന്ന് 7.90% ആയി പരിഷ്‌കരിച്ചു.

ഇന്ത്യന്‍ ബാങ്ക്

ഇന്ത്യന്‍ ബാങ്കും തങ്ങളുടെ റിപ്പോ ലിങ്ക്ഡ് ലെന്‍ഡിംഗ് റേറ്റ് കുറച്ചു. 8.20% എന്നതില്‍ നിന്ന് 7.95% ആയാണ് കുറച്ചത്. പരിഷ്‌കരിച്ച നിരക്കുകള്‍ ഡിസംബര്‍ 6 മുതല്‍ പ്രാബല്യത്തില്‍ വന്നു.

ബാങ്ക് ഓഫ് ഇന്ത്യ

ബാങ്ക് ഓഫ് ഇന്ത്യ തങ്ങളുടെ റിപ്പോ അടിസ്ഥാനമാക്കിയുള്ള വായ്പാ നിരക്ക് 8.35% ല്‍ നിന്ന് 8.10% ആയി കുറച്ചു. ഈ മാറ്റം ഡിസംബര്‍ 5 മുതല്‍ നിലവില്‍ വന്നു.

ബാങ്ക് ഓഫ് മഹാരാഷ്ട്ര

ബാങ്ക് റീട്ടെയില്‍ വായ്പാ നിരക്കുകളില്‍ വലിയ ഇളവുകള്‍ പ്രഖ്യാപിച്ചു. ഭവന വായ്പാ പലിശ നിരക്ക് 7.35% ല്‍ നിന്ന് 7.10% ആയും, വാഹന വായ്പാ നിരക്ക് 7.70% ല്‍ നിന്ന് 7.45% ആയും കുറച്ചു.