എംഡി ക്കും സിഇഒ ക്കും അപേക്ഷ ക്ഷണിച്ച് എൻഎസ്ഇ

ഡെൽഹി: നിലവിലെ ചീഫ് വിക്രം ലിമായെയുടെ അഞ്ച് വർഷത്തെ കാലാവധി ജൂലൈയിൽ അവസാനിക്കാനിരിക്കെ, എൻഎസ്‌ഇ പുതിയ മാനേജിംഗ് ഡയറക്ടറെയും ചീഫ് എക്‌സിക്യൂട്ടീവ് ഓഫീസറെയും തേടുന്നു. സ്റ്റോക്ക് എക്സ്ചേഞ്ചിന്റെ നടത്തിപ്പുമായി ബന്ധപ്പെട്ട് ആരോപണം നേരിടുന്ന എൻഎസ്ഇ അടിമുടി മാറ്റത്തിനൊരുങ്ങുകയാണ്.

​വെള്ളിയാഴ്ച പുറത്തു വിട്ട അറിയിപ്പനുസരിച്ച്, മാർച്ച് 25-ന് മുമ്പായി ഈ തസ്തികയിലേക്ക് ഐ‌പി‌ഒ (പ്രാരംഭ പബ്ലിക് ഓഫറിംഗ്) പ്രവർത്തന പരിചയമുള്ളവരിൽ നിന്ന് എക്സ്ചേഞ്ച് അപേക്ഷ ക്ഷണിച്ചു. മറ്റൊരു ടേമിന് കൂടി നിലവിലെ

സിഇഒ യോഗ്യനാണ്. എന്നിരുന്നാലും സെബിയുടെ ചട്ടം അനുസരിച്ച് അടുത്ത ടേമിലേക്ക് നിയോ​ഗിക്കാൻ നിലവിലെ സ്ഥാനാർത്ഥി മറ്റ് സ്ഥാനാർത്ഥികളുമായി മത്സരിക്കേണ്ടതുണ്ട്. ചിത്ര രാമകൃഷ്ണ പുറത്തായതിനെത്തുടർന്നാണ് 2017 ജൂലൈയിലാണ് അദ്ദേഹം എൻഎസ്ഇ മേധാവിയായി നിയമിതനായത്.

എൻഎസ്ഇയെ റീബ്രാൻഡ് ചെയ്തതിന്റെ ബഹുമതി ലിമായ്ക്കാണ്. ഡെറിവേറ്റീവുകളിലെ വ്യാപാരം അദ്ദേഹത്തിന്റെ നേതൃത്വത്തിൽ വൻ വളർച്ചയ്ക്ക് സാക്ഷ്യം വഹിച്ചു. കമ്പനിയുടെ നോമിനേഷനുകളും റെന്യുമെറേഷൻ കമ്മിറ്റിയും ചേർന്ന് സമയപരിധി അവസാനിച്ചതിനു ശേഷം സ്ഥാനാർത്ഥികളെ ഷോർട്ട്‌ലിസ്റ്റ് ചെയ്യും.

​

എൻ‌ആർ‌സി അംഗങ്ങളും സ്വതന്ത്ര ബാഹ്യ അംഗങ്ങളും ഉൾപ്പെടുന്ന എൻ‌എസ്‌ഇ രൂപീകരിച്ച സെലക്ഷൻ കമ്മിറ്റിയാണ് സ്ഥാനാർത്ഥികളെ ബോർഡിലേക്ക് ശുപാർശ ചെയ്യുക. ഈ പേരുകൾ അന്തിമ അംഗീകാരത്തിനായി സെബിക്ക് അയയ്ക്കും. ​