Login 
പഠിക്കാം & സമ്പാദിക്കാം 
Home
25 March 2022 12:23 PM IST
Summary
ഡെല്ഹി: എംപ്ലോയീസ് സ്റ്റേറ്റ് ഇന്ഷുറന്സ് കോര്പറേഷന്റെ (ഇഎസ്ഐസി) കീഴിലുള്ള സാമൂഹിക സുരക്ഷാ പദ്ധതിയില് 2021 ജനുവരി മാസം 12.84 ലക്ഷം പുതിയ അംഗങ്ങള് ചേര്ന്നു. 2020 ഡിസംബറില് 15.34 ലക്ഷം പേരാണ് പദ്ധതിയുടെ ഭാഗമായത്. നാഷണല് സ്റ്റാറ്റിസ്റ്റിക്കല് ഓഫീസ് (എന്എസ്ഒ) പുറത്തുവിട്ട ഏറ്റവും പുതിയ ഡാറ്റയിലാണ് ഇക്കാര്യങ്ങള് വ്യക്തമാക്കിയിരിക്കുന്നത്. ഏപ്രിലില് 10.78 ലക്ഷം, മേയില് 8.91 ലക്ഷം, ജൂണില് 10.68 ലക്ഷം, ജൂലൈയില് 13.42 ലക്ഷം, ഓഗസ്റ്റില് 13.47 ലക്ഷം, സെപ്തംബറില് 13.57 ലക്ഷം, ഒക്ടോബറില് 12.47 […]
ഡെല്ഹി: എംപ്ലോയീസ് സ്റ്റേറ്റ് ഇന്ഷുറന്സ് കോര്പറേഷന്റെ (ഇഎസ്ഐസി) കീഴിലുള്ള സാമൂഹിക സുരക്ഷാ പദ്ധതിയില് 2021 ജനുവരി മാസം 12.84 ലക്ഷം പുതിയ അംഗങ്ങള് ചേര്ന്നു. 2020 ഡിസംബറില് 15.34 ലക്ഷം പേരാണ് പദ്ധതിയുടെ ഭാഗമായത്.
നാഷണല് സ്റ്റാറ്റിസ്റ്റിക്കല് ഓഫീസ് (എന്എസ്ഒ) പുറത്തുവിട്ട ഏറ്റവും പുതിയ ഡാറ്റയിലാണ് ഇക്കാര്യങ്ങള് വ്യക്തമാക്കിയിരിക്കുന്നത്.
ഏപ്രിലില് 10.78 ലക്ഷം, മേയില് 8.91 ലക്ഷം, ജൂണില് 10.68 ലക്ഷം, ജൂലൈയില് 13.42 ലക്ഷം, ഓഗസ്റ്റില് 13.47 ലക്ഷം, സെപ്തംബറില് 13.57 ലക്ഷം, ഒക്ടോബറില് 12.47 ലക്ഷം, 2021 നവംബറില് 10.44 ലക്ഷം എന്നിങ്ങനെയാണ് ഏറ്റവും പുതിയ ഡാറ്റപ്രകാരം ഇഎസ്ഐസിയില് അംഗത്വം നേടിയ കണക്കുകള്.
ജൂണ്, ജൂലൈ, ഓഗസ്റ്റ് കണക്കുകള് ശേഷം അംഗത്വം എടുത്തതില് വര്ധനവ് വന്നു.
കഴിഞ്ഞ വര്ഷം ഏപ്രില് പകുതിയോടെ രാജ്യത്തെ ബാധിച്ച മഹാമാരിയുടെ രണ്ടാം തരംഗത്തിന് ശേഷം സംസ്ഥാനങ്ങള് കൊവിഡ് നിയന്ത്രണങ്ങളില് ഇളവ് വരുത്തിയിരുന്നു.
2019-20ല് 1.51 കോടിയും 2018-19ല് 1.49 കോടിയുമായി താരതമ്യം ചെയ്യുമ്പോള് 2020-21ല് ഇഎസ്ഐസി ഉള്ള പുതിയ വരിക്കാരുടെ മൊത്ത അംഗത്വം 1.15 കോടിയാണെന്ന് എന്എസ്ഒ റിപ്പോര്ട്ടില് സൂചിപ്പിക്കുന്നു.
2017 സെപ്റ്റംബര് മുതല് 2018 മാര്ച്ച് വരെ ഏകദേശം 83.35 ലക്ഷം പുതിയ വരിക്കാര് ഇഎസ്ഐസി സ്കീമില് ചേര്ന്നു. 2017 സെപ്തംബര് മുതല് 2022 ജനുവരി വരെ ഇഎസ്ഐസിയില് മൊത്തം പുതിയ അംഗത്വം 6.21 കോടിയാണെന്ന് റിപ്പോര്ട്ട് പറയുന്നു.
എംപ്ലോയീസ് പ്രൊവിഡന്റ് ഫണ്ട് ഓര്ഗനൈസേഷനും (ഇപിഎഫ്ഒ) പെന്ഷന് ഫണ്ട് റെഗുലേറ്ററി ആന്ഡ് ഡെവലപ്മെന്റ് അതോറിറ്റിയും (പിഎഫ്ആര്ഡിഎ) ആഎസ്ഐസിയുടെ കീഴില് വരുന്ന പദ്ധതികളാണ്.
ഇപിഎഫ്ഒയില് പുതിയ എന്റോള്മെന്റുകള് 2022 ജനുവരിയില് 15.29 ലക്ഷമായി ഉയര്ന്നിരുന്നു. 2021 ഡിസംബറില് 12.60 ലക്ഷമായിരുന്നു ഇത്.