തിരഞ്ഞെടുപ്പ് ഫലം വിപണിയിൽ പ്രതിഫലിച്ചു: സെൻസെക്‌സ് 1300 പോയിന്റ് ഉയർന്നു, നിഫ്റ്റി 16,750-ൽ

ബെഞ്ച്മാർക്ക് സൂചികകൾ വ്യാഴാഴ്ചയും വിജയകുതിപ്പ് തുടരുകയാണ്. ഓപ്പണിംഗ് ട്രേഡിൽ ഏകദേശം 3 ശതമാനം കുതിച്ചുയരുകയും ചെയ്തു. ഇത് ആഗോള വിപണികളിലെ മൊത്തത്തിലുള്ള ബുള്ളിഷ് ട്രെൻഡിൻറെ തുടർച്ചയാണ്.

30-ഷെയർ ബി‌എസ്‌ഇ ബെഞ്ച്മാർക്ക് സൂചിക നേട്ടത്തിൽ തുറക്കുകയും 1,595.14 പോയിന്റ് അല്ലെങ്കിൽ 2.91 ശതമാനം ഉയർന്ന് 56,242.47 ൽ എത്തുകയും ചെയ്തു. മൂന്നാം ദിവസവും റാലി തുടരുന്നതാണ് വിപണിയിൽ കാണാനാവുന്നത്.

എൻഎസ്ഇ നിഫ്റ്റി 411.95 പോയിന്റ് അഥവാ 2.52 ശതമാനം ഉയർന്ന് 16,757.30 ലെത്തി.

30-ഷെയർ സെൻസെക്‌സ് പാക്കിൽ, ആക്‌സിസ് ബാങ്ക്, സ്റ്റേറ്റ് ബാങ്ക് ഓഫ് ഇന്ത്യ, ഐസിഐസിഐ ബാങ്ക്, ഇൻഡസ്‌ൻഡ് ബാങ്ക്, മാരുതി സുസുക്കി ഇന്ത്യ, ഹിന്ദുസ്ഥാൻ യുണിലിവർ ലിമിറ്റഡ് എന്നിവ 4.85 ശതമാനം വരെ ഉയർന്നു.ടാറ്റ സ്റ്റീൽ മാത്രമാണ് പിന്നോക്കം നിൽക്കുന്നത്.

ഹോങ്കോംഗ്, ടോക്കിയോ, ഷാങ്ഹായ് എന്നിവിടങ്ങളിലെ ഓഹരികൾ മിഡ്-സെഷൻ ഡീലുകളിൽ ഉയർച്ച രേഖപ്പെടുത്തി. യുഎസിലെ സ്‌റ്റോക്ക് എക്‌സ്‌ചേഞ്ചുകൾ ബുധനാഴ്ച കാര്യമായ നേട്ടത്തോടെ ക്ലോസ് ചെയ്തു.

മുമ്പത്തെ വ്യാപാരത്തിൽ, ബി‌എസ്‌ഇ ബെഞ്ച്മാർക്ക് 1,223.24 പോയിൻറ് അഥവാ 2.29 ശതമാനം ഉയർന്ന് 54,647.33 ൽ എത്തിയിരുന്നു. ഫെബ്രുവരി 25 ന് ശേഷമുള്ള ഏറ്റവും വലിയ ഒറ്റ ദിവസത്തെ നേട്ടം. നിഫ്റ്റി 331.90 പോയിന്റ് അഥവാ 2.07 ശതമാനം ഉയർന്ന് 16,345.35 ൽ അവസാനിച്ചു.

അന്താരാഷ്ട്ര എണ്ണ മാനദണ്ഡമായ ബ്രെന്റ് ക്രൂഡ് 1.66 ശതമാനം ഉയർന്ന് ബാരലിന് 113 ഡോളറിലെത്തി.

എക്‌സ്‌ചേഞ്ച് ഡാറ്റ പ്രകാരം ബുധനാഴ്ച അറ്റ ​​അടിസ്ഥാനത്തിൽ 4,818.71 കോടി രൂപയുടെ ഓഹരികൾ ഓഫ്‌ലോഡ് ചെയ്തതിനാൽ വിദേശ സ്ഥാപന നിക്ഷേപകരുടെ ഇന്ത്യൻ വിപണികളിലെ വിൽപ്പന കുതിച്ചുയർന്നു.

"ഉത്തർപ്രദേശ് തെരഞ്ഞെടുപ്പിന്റെ ഫലം വിപണികൾ വ്യാപകമായി പ്രതിഫലിക്കും കാരണം ഭരിക്കുന്ന ഭാരതീയ ജനതാ പാർട്ടി 2024 ലെ പൊതുതെരഞ്ഞെടുപ്പിനെ എങ്ങനെ സമീപിക്കുമെന്നും അതിനുള്ള തയ്യാറെടുപ്പുകൾ നടത്തുമെന്നും ഇത് വ്യക്തമാക്കും," ഹേം സെക്യൂരിറ്റീസ്, പിഎംഎസ് മേധാവി മോഹിത് നിഗം ​​പറഞ്ഞു.