Samsung Galaxy A07 5G- സാംസങ് ഗാലക്‌സി A07 5G ഇന്ത്യൻ വിപണിയിൽ; 6000mAh ബാറ്ററിയും 120Hz ഡിസ്പ്ലേയും

സാംസങ് തങ്ങളുടെ പുതിയ 5ജി സ്മാർട്ട്‌ഫോണായ ഗാലക്‌സി A07 5G ഇന്ത്യൻ വിപണിയിൽ അവതരിപ്പിച്ചു. മികച്ച സ്റ്റോറേജ് ഓപ്ഷനുകളും മൂന്ന് വ്യത്യസ്ത കളർ വേരിയന്റുകളും ഉൾക്കൊള്ളുന്ന ഫോൺ മിഡ്-റേഞ്ച് വിഭാഗത്തിലാണ് എത്തുന്നത്. ശക്തമായ ബാറ്ററി, മീഡിയടെക് പ്രോസസർ, ഡ്യുവൽ റിയർ ക്യാമറ സജ്ജീകരണം എന്നിവയാണ് പ്രധാന ആകർഷണങ്ങൾ.

4GB RAM + 128GB സ്റ്റോറേജുള്ള അടിസ്ഥാന വേരിയന്റിന് ₹15,999യും, 6GB RAM + 128GB സ്റ്റോറേജുള്ള ടോപ്പ് വേരിയന്റിന് ₹17,999യുമാണ് വില. SBI, HDFC, Axis ബാങ്ക് കാർഡുകൾ ഉപയോഗിച്ച് വാങ്ങുന്നവർക്ക് ₹1,000 തൽക്ഷണ ക്യാഷ്ബാക്ക് ആനുകൂല്യവും ലഭിക്കും.

ഈ വില നിരക്കിൽ Nothing Phone 2 Pro, realme P4x 5G, Motorola G96 5G, POCO M8 തുടങ്ങിയ ഫോണുകളുമായാണ് ഗാലക്‌സി A07 5G മത്സരം നേരിടുന്നത്.

ഫോണിൽ 6.7 ഇഞ്ച് HD+ (720×1600 പിക്സൽ) IPS LCD ഡിസ്പ്ലേയാണ് നൽകിയിരിക്കുന്നത്. 120Hz വരെ റിഫ്രഷ് റേറ്റും 800 നിറ്റ്സ് പീക്ക് ബ്രൈറ്റ്നസ് സപ്പോർട്ടും സ്ക്രീനിനുണ്ട്. വേഗതയുള്ള പ്രവർത്തനത്തിനും മൾട്ടിടാസ്കിംഗിനുമായി MediaTek Dimensity 6300 ഒക്ടാകോർ ചിപ്‌സെറ്റാണ് ഉപയോഗിച്ചിരിക്കുന്നത്.

ക്യാമറ വിഭാഗത്തിൽ, 50MP പ്രൈമറി സെൻസറും 2MP ഡെപ്ത് സെൻസറും ഉൾപ്പെട്ട ഡ്യുവൽ റിയർ ക്യാമറ സജ്ജീകരണമാണ് നൽകിയിരിക്കുന്നത്. സെൽഫികൾക്കും വീഡിയോ കോളുകൾക്കുമായി 8MP ഫ്രണ്ട് ക്യാമറയും ഫോണിലുണ്ട്.

പവർ നൽകുന്നത് 6000mAh ബാറ്ററിയാണ്, ഇതിന് 25W വയർഡ് ഫാസ്റ്റ് ചാർജിംഗ് സപ്പോർട്ടും ലഭ്യമാണ്. ബജറ്റ് 5ജി വിഭാഗത്തിൽ ശക്തമായൊരു ഓപ്ഷനായി ഗാലക്‌സി A07 5G മാറുമെന്നാണ് പ്രതീക്ഷ.