Samsung Galaxi A57 5G :സാംസങിൻ്റെ തകർപ്പൻ മോഡൽ; ഗാലക്‌സി A57 5G പ്രതീക്ഷിച്ചതിലും നേരത്തെ എത്തും

സാംസങിൻ്റെ 2026 ലെ ആഗോള ഇവന്റിന് മുന്‍പ് തന്നെ ഗാലക്‌സി A57 5G സ്മാര്‍ട്ട്‌ഫോണ്‍ ഇന്ത്യയില്‍ പുറത്തിറക്കിയേക്കും. ഗാലക്‌സി എ-സീരീസിലേക്ക് കൂടുതല്‍ മോഡലുകള്‍ കൂട്ടിച്ചേര്‍ക്കാനുള്ള സാംസങ്ങിന്റെ ശ്രമങ്ങളുടെ ഭാഗമാണിത്. ഗാലക്‌സി A07 5G, ഗാലക്‌സി A37 5G, ഗാലക്‌സി A57 5G എന്നിവയെല്ലാം വിപണിയിലെത്തും.

പ്രീമിയം ഫോണുകള്‍ എത്തുന്നതിന് മുന്‍പ് ബജറ്റ്-സൗഹൃദ മോഡലുകള്‍ വിപണിയിലെത്തിക്കാനാണ് ശ്രമം. സാംസങ് ഗാലക്‌സി A07 5ജി സ്മാര്‍ട്ട്ഫോണ്‍ 2025 ഡിസംബറിന്റെ അവസാനത്തോടെയോ അല്ലെങ്കില്‍ 2026 ജനുവരിയുടെ തുടക്കത്തിലോ കമ്പനി വിപണിയില്‍ അവതരിപ്പിച്ചേക്കും. 2025 ഒക്ടോബറില്‍ പുറത്തിറങ്ങിയ ഗാലക്‌സി എ07 4ജി-യുടെ പിന്‍ഗാമി എന്ന നിലയിലാണ് ഗാലക്‌സി A07 5G മോഡല്‍ എത്തുന്നത്. ഗാലക്‌സി എ57 5ജി മോഡലില്‍ കൂടുതല്‍ കരുത്തുള്ള എക്സിനോസ് 1680 പ്രോസസറാണ് ഉണ്ടാവുക.