ഓഗസ്റ്റിൽ ലോഞ്ചിനൊരുങ്ങി ഒട്ടേറെ സ്മാർട്ട്ഫോൺ മോഡലുകൾ, തകർത്ത് വാരാൻ വിവോ എസ് 2

ഓഗസ്റ്റ് 6 ന് വിവോ എസ് 2 ഇന്ത്യയിൽ ലോഞ്ച് ചെയ്യുമെന്ന് സൂചനയുണ്ട്. വിവോ എസ് 1 ന്റെ പിൻഗാമിയായിരിക്കും എസ് 2. X300 എഫ്ഇയ്ക്ക് സമാനമായ ഡിസൈൻ ആയിരിക്കും ഈ ഹാൻഡ്‌സെറ്റിൽ ഉണ്ടായിരിക്കുക. എന്നാൽ വിവോ ഇത് ഔദ്യോഗികമായി അവതരിപ്പിച്ചിട്ടില്ല. റിപ്പോ‍ർട്ടുകൾ പ്രകാരം വിവോ എസ് 2 ഓഗസ്റ്റ് 6 ന് രാജ്യത്ത് ലോഞ്ച് ചെയ്യാൻ പോകുന്നു, ആദ്യ വിൽപ്പന ഓഗസ്റ്റ് 11 ന് ഷെഡ്യൂൾ ചെയ്തിട്ടുണ്ടെന്നാണ് സൂചന.

8 ജിബി + 128GB, 8GB + 256GB സ്റ്റോറേജ് വേരിയന്റുകളിൽ ഈ ഹാൻഡ്‌സെറ്റ് ലഭ്യമാകുമെന്ന് സൂചനയുണ്ട്. റീഗൽ ബ്രോൺസ്, സഫയർ ബ്ലൂ, സിൽക്ക് വൈറ്റ് എന്നീ കളർ ഓപ്ഷനുകളിൽ ലഭ്യമാകും എന്നാണ് റിപ്പോ‍ർട്ടുകൾ. വിവോ X300 എഫ്ഇക്ക് സമാനമായിരിക്കും സ്റ്റൈലിംഗ് . തിരശ്ചീനമായ ബാക്ക് ക്യാമറ മൊഡ്യൂളും ഡിസ്പ്ലേയും ഉണ്ടായേക്കും. ഫോണിൽ 3D വളഞ്ഞ ഡിസ്‌പ്ലേ ഉണ്ടായിരിക്കും. "ഫ്ലാഗ്ഷിപ്പ്-ലെവൽ ഡിസൈൻ", ക്യാമറ മൊഡ്യൂൾ എന്നിവ പ്രധാന സെല്ലിങ് പോയിന്റുകളായിരിക്കും.

6.59 ഇഞ്ച് AMOLED ഡിസ്‌പ്ലേ, 50MP പെരിസ്‌കോപ്പ് ടെലിഫോട്ടോ ക്യാമറ, 7,000mAh ബാറ്ററി എന്നിവ സ്മാർട്ട്‌ഫോണിൽ ഉണ്ടാകും. Vivo S2ലിൽ 4K വീഡിയോ റെക്കോർഡിംഗ് ഫീച്ചറും പ്രതീക്ഷിക്കാം. സ്പെസിഫിക്കേഷനുകൾ കൃത്യമാണെങ്കിൽ, സൂം ഫോട്ടോഗ്രാഫിക്കായി വലിയ ബാറ്ററിയും പെരിസ്കോപ്പ് ക്യാമറയും വിവോ എസ് 2 സെഗ്‌മെന്റിൽ വേറിട്ടുനിൽക്കും. കൂടുതൽ വൈവിധ്യമാർന്ന ക്യാമറ സജ്ജീകരണമുള്ള വിവോ എസ് 2 മറ്റ് എതിരാളികളേക്കാൾ മികച്ചതായിരിക്കും.വിവോ വി 70 എഫ്ഇയിലും മുൻ തലമുറ വിവോ വി 60 ഇയിലും ഇതേ ചിപ്‌സെറ്റ് കാണാം. ദൈനംദിന ഇടപാടുകൾ മികച്ചതാക്കുന്ന മിഡ്-റേഞ്ച് മോഡലായിരിക്കും ഇത്.