Login 
പഠിക്കാം & സമ്പാദിക്കാം 
Home
7 March 2026 9:51 PM IST
Summary
പ്രമുഖ ചൈനീസ് സ്മാര്ട്ട്ഫോണ് ബ്രാന്ഡായ ഷവോമിയുടെ പുതിയ ഫ്ലാഗ്ഷിപ്പ് മോഡലുകളായ ഷവോമി17, ഷവോമി- 17 അള്ട്രാ എന്നിവ മാര്ച്ച് 11-ന് ഇന്ത്യന് വിപണിയില് അവതരിപ്പിക്കുമെന്ന് റിപ്പോര്ട്ടുകള്.
പ്രമുഖ ചൈനീസ് സ്മാര്ട്ട്ഫോണ് ബ്രാന്ഡായ ഷവോമിയുടെ പുതിയ ഫ്ലാഗ്ഷിപ്പ് മോഡലുകളായ ഷവോമി17, ഷവോമി- 17 അള്ട്രാ എന്നിവ മാര്ച്ച് 11-ന് ഇന്ത്യന് വിപണിയില് അവതരിപ്പിക്കുമെന്ന് റിപ്പോര്ട്ടുകള്. ടെക് ലോകം ഏറെ പ്രതീക്ഷയോടെ കാത്തിരിക്കുന്ന ഈ ലോഞ്ചുമായി ബന്ധപ്പെട്ട വില സംബന്ധിച്ച വിവരങ്ങളാണ് ഇപ്പോള് കൂടുതല് ശ്രദ്ധ നേടുന്നത്.
വില സംബന്ധിച്ച സൂചനകള്
ലഭ്യമായ വിവരങ്ങള് പ്രകാരം, ബേസ് മോഡലായ ഷവോമി-17 ഏകദേശം ഒരു ലക്ഷം രൂപയ്ക്കടുത്ത് വിലയിലായിരിക്കും എത്തുക എന്നാണ് റിപ്പോര്ട്ടുകള്. അതേസമയം ടോപ്പ് മോഡലായ ഷവോമി- 17 അള്ട്രായ്ക്ക് ഏകദേശം 1.40 ലക്ഷം രൂപ വരെ വിലയുണ്ടാകാമെന്നും സൂചനകളുണ്ട്. പ്രീമിയം സ്മാര്ട്ട്ഫോണ് വിഭാഗത്തില് ശക്തമായ മത്സരത്തിനാണ് ഈ മോഡലുകള് എത്തുന്നതെന്നാണ് വിലയിരുത്തല്.
'ടി' സീരീസ് ഫോണുകള്ക്കും ഇന്ത്യയില് അരങ്ങേറ്റം
ഇതോടൊപ്പം മറ്റൊരു ശ്രദ്ധേയമായ വിവരവും ടെക് ലോകത്ത് പുറത്തുവരുന്നുണ്ട്. ആദ്യമായി കമ്പനിയുടെ 'ടി' സീരീസ് സ്മാര്ട്ട്ഫോണുകള് ഇന്ത്യന് വിപണിയില് അവതരിപ്പിക്കാന് ഷവോമി തയ്യാറെടുക്കുന്നുവെന്നാണ് റിപ്പോര്ട്ടുകള്. പ്രീമിയം മിഡ്-റേഞ്ച് വിഭാഗത്തെ ലക്ഷ്യമിട്ട് ഷവോമി 17-ടി, ,ഷവോമി-17 ടി പ്രോ എന്നീ മോഡലുകള് ഇന്ത്യയില് എത്തുമെന്നാണ് സൂചന.
ക്യാമറയും മറ്റ് സവിശേഷതകളും
ലീക്കുകള് പ്രകാരം, പുതിയ ഫോണുകളില് ലൈക്കാ ലെന്സുകളോടുകൂടിയ ട്രിപ്പിള് റിയര് ക്യാമറ സംവിധാനം ഉണ്ടായേക്കും.
50 മെഗാപിക്സല് + 12 മെഗാപിക്സല് + 50 മെഗാപിക്സല് ക്യാമറ ക്രമീകരണം
32 മെഗാപിക്സല് സെല്ഫി ക്യാമറ
ഇത്തരം ക്യാമറ സജ്ജീകരണമാണ് ഫോണുകളില് ഉണ്ടാകാനിടയെന്ന് റിപ്പോര്ട്ടുകള് സൂചിപ്പിക്കുന്നു.
പ്രോസസറും ബാറ്ററിയും
സാധാരണ മോഡലായ ഷവോമി-17 ടിയില് മീഡിയടെക്ക് ഡയമന്സിറ്റി-8500 പ്രോസസര് ഉള്പ്പെടുമെന്നാണ് റിപ്പോര്ട്ട്. ഇതോടൊപ്പം 67 വാട്ട് വേഗ ചാര്ജിംഗ് സൗകര്യത്തോടുകൂടിയ ഏകദേശം 6,500 മില്ലി ആംപിയര് മണിക്കൂര് ശേഷിയുള്ള ബാറ്ററിയും ലഭിക്കാനിടയുണ്ട്.
അതേസമയം കൂടുതല് ശക്തമായ പതിപ്പായ ഷവോമി-17-ടി പ്രോയില് മീഡിയടെക്ക് ജയമെന്സിറ്റി-9500 പ്രോസസറും 100 വാട്ട് വേഗ ചാര്ജിംഗ് സൗകര്യത്തോടുകൂടിയ ഏകദേശം 8,500 മില്ലി ആംപിയര് മണിക്കൂര് ശേഷിയുള്ള ബാറ്ററിയും ഉണ്ടായേക്കുമെന്നാണ് റിപ്പോര്ട്ടുകള്.
ടെക് ലോകത്തിൻ്റെ ശ്രദ്ധ
പുതിയ ഫ്ലാഗ്ഷിപ്പ് മോഡലുകളും 'ടി' സീരീസ് ഫോണുകളും ഒരുമിച്ച് അവതരിപ്പിക്കാന് ഒരുങ്ങുന്ന ഷവോമിയുടെ നീക്കം ഇന്ത്യന് സ്മാര്ട്ട്ഫോണ് വിപണിയില് വലിയ ചലനം സൃഷ്ടിക്കുമെന്നാണ് വിലയിരുത്തല്. പുതിയ മോഡലുകളുടെ ഔദ്യോഗിക പ്രഖ്യാപനത്തിനായി ടെക് ലോകം ഇപ്പോള് കാത്തിരിക്കുകയാണ്.