image

17 Nov 2026 3:53 PM IST

Technology

ടാറ്റയ്ക്കും മഹീന്ദ്രയ്ക്കും പുതിയ എതിരാളി? Combat SUV-യുമായി JSW

MyFin Desk

ടാറ്റയ്ക്കും മഹീന്ദ്രയ്ക്കും പുതിയ എതിരാളി? Combat SUV-യുമായി JSW
X

Summary

ഇന്ത്യൻ വിപണിയിലേക്ക് JSW Motors അവതരിപ്പിക്കാനൊരുങ്ങുന്ന ആദ്യ SUVയായ Combat. Cheryയുടെ Jetour T2 അടിസ്ഥാനമാക്കിയുള്ള പ്ലഗ്-ഇൻ ഹൈബ്രിഡ് മോഡൽ


ഇന്ത്യൻ പാസഞ്ചർ വാഹന വിപണിയിൽ സ്വതന്ത്ര ബ്രാൻഡായി പ്രവേശിക്കാൻ ഒരുങ്ങി JSW Motors. കമ്പനിയുടെ ആദ്യ എസ്‌യുവിയായ Combat ഡിസംബർ ആദ്യവാരം ഇന്ത്യയിൽ അവതരിപ്പിച്ചേക്കും. ഡിസംബർ 3-ന് ബ്രാൻഡിന്റെ ഔദ്യോഗിക അരങ്ങേറ്റമുണ്ടായേക്കുമെന്നാണ് റിപ്പോർട്ട്.

ചൈനീസ് വാഹന നിർമ്മാതാക്കളായ Chery ഗ്രൂപ്പിന്റെ Jetour T2 അടിസ്ഥാനമാക്കിയാണ് പുതിയ Combat SUV വികസിപ്പിച്ചിരിക്കുന്നത്. ഇതിന്റെ ഭാഗമായി JSW Motors ഔദ്യോഗിക ഇന്ത്യൻ വെബ്സൈറ്റ് ആരംഭിക്കുകയും ഉപഭോക്താക്കൾക്ക് രജിസ്റ്റർ ചെയ്യാനുള്ള സൗകര്യം ഒരുക്കുകയും ചെയ്തിട്ടുണ്ട്. എന്നാൽ വാഹനത്തിന്റെ ബുക്കിങ് ഇതുവരെ ആരംഭിച്ചിട്ടില്ല. പ്ലഗ്-ഇൻ ഹൈബ്രിഡ് സാങ്കേതികവിദ്യയിലായിരിക്കും Combat എത്തുകയെന്നാണ് റിപ്പോർട്ടുകൾ. 1.5 ലിറ്റർ ടർബോ പെട്രോൾ എൻജിനും രണ്ട് ഇലക്ട്രിക് മോട്ടോറുകളും 18.4 kWh ബാറ്ററിയും ഉൾപ്പെടുന്ന പവർട്രെയിനാണ് പ്രതീക്ഷിക്കുന്നത്. അന്താരാഷ്ട്ര മോഡലിന്റെ കണക്കുകൾ പ്രകാരം 360 hp കരുത്തും 610 Nm ടോർക്കും ലഭിക്കും. പൂർണമായും ഇലക്ട്രിക് മോഡിൽ ഏകദേശം 90 കിലോമീറ്റർ സഞ്ചരിക്കാനും സാധിക്കുമെന്നാണ് റിപ്പോർട്ടുകൾ.

15.6 ഇഞ്ച് ടച്ച്‌സ്‌ക്രീൻ, 10.25 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്റർ, പനോരമിക് സൺറൂഫ്, വെന്റിലേറ്റഡ് സീറ്റുകൾ തുടങ്ങിയ പ്രീമിയം ഫീച്ചറുകളും പ്രതീക്ഷിക്കുന്നുണ്ട്. എന്നാൽ ഇന്ത്യയിലെത്തുന്ന മോഡലിന്റെ അന്തിമ ഫീച്ചറുകൾ കമ്പനി ഔദ്യോഗികമായി പ്രഖ്യാപിച്ചിട്ടില്ല. ഏകദേശം 30 ലക്ഷം മുതൽ 50 ലക്ഷം രൂപ വരെയായിരിക്കും വാഹനത്തിന്റെ പ്രതീക്ഷിത എക്സ്-ഷോറൂം വില. മഹാരാഷ്ട്രയിലെ ഛത്രപതി സംഭാജിനഗറിലുള്ള JSW നിർമ്മാണ കേന്ദ്രവുമായി ബന്ധപ്പെട്ടാണ് വാഹനത്തിന്റെ അസംബ്ലിങ് പദ്ധതി. വില, ബുക്കിങ്, ഡെലിവറി തീയതി തുടങ്ങിയ കൂടുതൽ വിവരങ്ങൾ ഡിസംബറോടെ വ്യക്തമാകുമെന്നാണ് പ്രതീക്ഷിക്കുന്നത്.