OnePlus 15T Tipped with Snapdragon 8 Elite Gen 5 : വമ്പൻ ബാറ്ററിയും Snapdragon 8 Elite Gen 5 ചിപ്പുമായി വൺപ്ലസ് 15T; ക്യാമറയിൽ ചെറിയ മാറ്റം മാത്രം?

സ്മാർട്ട്ഫോൺ വിപണിയിൽ ഈ വർഷം വലിയ ചർച്ചയാകാൻ പോകുന്നത് OnePlus 15T. കഴിഞ്ഞ വർഷം പുറത്തിറങ്ങിയ OnePlus 13Tയുടെ അപ്ഗ്രേഡ് വേർഷനായി 15T എത്തുമെന്ന് റിപ്പോർട്ടുകൾ സൂചിപ്പിക്കുന്നു. ക്യാമറയിൽ വലിയ മാറ്റങ്ങൾ വരുത്താതെ, പെർഫോർമൻസിലും ബാറ്ററിയിലും ശ്രദ്ധ കേന്ദ്രീകരിച്ചാണ് പുതിയ മോഡൽ എത്തുന്നതെന്നാണ് സൂചന.

15Tയിൽ ഏറ്റവും ശ്രദ്ധേയമായ മാറ്റം പ്രോസസറിലാണ്. സ്നാപ്ഡ്രാഗൺ 8 എലൈറ്റ് ജെൻ 5 ചിപ്പ്സെറ്റ് ഉപയോഗിക്കുന്നതിലൂടെ ഫ്ലാഗ്ഷിപ്പ് തലത്തിലെ പ്രകടനം ഉറപ്പാക്കാനാണ് വൺപ്ലസിന്റെ ലക്ഷ്യം. 16GB വരെ RAM, 1TB വരെ സ്റ്റോറേജ് എന്നീ ഓപ്ഷനുകൾ ലഭ്യമാകുമെന്നതാണ് റിപ്പോർട്ടുകൾ.

ബാറ്ററിയിലും വലിയ മുന്നേറ്റമുണ്ടാകും. 7500mAh ശേഷിയുള്ള വമ്പൻ ബാറ്ററി 15Tയ്ക്ക് ലഭിക്കാനിടയുണ്ട്. ദൈർഘ്യമേറിയ ഉപയോഗത്തിനും ഹെവി ഗെയിമിംഗിനും ഇത് വലിയ സഹായമാകും. കൂടാതെ, LTPO ഡിസ്പ്ലേയും ഫോണിൽ ഉൾപ്പെടും.

ക്യാമറ കാര്യത്തിൽ 13Tയുടെ സജ്ജീകരണമാണ് തുടരുമെന്നാണ് സൂചന. എന്നാൽ സെൻസറിൽ അപ്ഗ്രേഡ് ഉണ്ടായേക്കും. പ്രധാന ക്യാമറയായി Sony LYT-700 സെൻസർ ഉപയോഗിക്കാമെന്നാണ് ചൈനീസ് പ്ലാറ്റ്ഫോമായ വീബോയിൽ വന്ന റിപ്പോർട്ടുകൾ. ഒപ്പം Samsung JN5 സെൻസറും ഉണ്ടാകാം. ഒപ്റ്റിക്കൽ ഇമേജ് സ്റ്റെബിലൈസേഷൻ പിന്തുണയും f/1.8 അപർച്ചറും ലോ ലൈറ്റ് ഫോട്ടോഗ്രഫിക്ക് സഹായകരമാകും.

മെഗാപിക്സൽ വിവരത്തിൽ വ്യക്തതയില്ലെങ്കിലും, 50MP പ്രധാന ക്യാമറയായിരിക്കാനാണ് സാധ്യത. ഇത് 13Tയിൽ ഉണ്ടായിരുന്നതിന് സമാനമാണ്.

വില സംബന്ധിച്ച് ഔദ്യോഗിക പ്രഖ്യാപനം ഉണ്ടായിട്ടില്ല. എന്നാൽ 13Tനെ അപേക്ഷിച്ച് 15Tയ്ക്ക് ഉയർന്ന വിലയുണ്ടാകാൻ സാധ്യതയുണ്ടെന്നാണ് ടെക് വൃത്തങ്ങൾ സൂചിപ്പിക്കുന്നത്. ഇന്ത്യൻ വിപണിയിൽ ഉടൻ ലോഞ്ച് പ്രതീക്ഷിക്കാം.