Login 
പഠിക്കാം & സമ്പാദിക്കാം 
Home
25 Oct 2026 2:02 PM IST
Summary
ക്യാമറയുടെ കാര്യത്തിലും ഫൈന്‍ഡ് X10 സീരീസ് ശ്രദ്ധേയമാണ്. ഫോണില്‍ രണ്ട് 200 മെഗാപിക്‌സല്‍ പിന്‍ ക്യാമറകളുണ്ട്. പ്രോ മാക്‌സ് മോഡലില്‍ മൂന്ന് 200 മെഗാപിക്‌സല്‍ ക്യാമറകളാണ് നല്‍കിയിരിക്കുന്നത്
പ്രീമിയം സ്മാര്‍ട്ട്‌ഫോണ്‍ വിപണിയില്‍ പുതിയ മോഡലുകളുമായി ഒപ്പോ. ഫൈന്‍ഡ് X10, ഫൈന്‍ഡ് X10 പ്രോ മാക്‌സ് എന്നീ ഫ്‌ലാഗ്ഷിപ്പ് ഫോണുകളാണ് കമ്പനി അവതരിപ്പിച്ചത്. മികച്ച ക്യാമറ, വലിയ ബാറ്ററി, അത്യാധുനിക എഐ സവിശേഷതകള്‍ എന്നിവയാണ് ഫോണുകളുടെ പ്രധാന ആകര്‍ഷണം. രണ്ട് മോഡലുകളിലും 144 ഹെര്‍ട്‌സ് റിഫ്രഷ് റേറ്റുള്ള ഡിസ്‌പ്ലേയും കളര്‍ഒഎസ് 17-ഉം ലഭിക്കും. 80W വയര്‍ഡ് ചാര്‍ജിംഗും 50W വയര്‍ലെസ് ചാര്‍ജിംഗും ഫോണുകളുടെ പ്രത്യേകതയാണ്.
ക്യാമറയുടെ കാര്യത്തിലും ഫൈന്‍ഡ് X10 സീരീസ് ശ്രദ്ധേയമാണ്. ഹാസല്‍ബ്ലാഡുമായി സഹകരിച്ച് വികസിപ്പിച്ച ക്യാമറ സംവിധാനമാണ് ഫോണുകളില്‍ ഉള്‍പ്പെടുത്തിയിരിക്കുന്നത്. ഫോണില്‍ രണ്ട് 200 മെഗാപിക്‌സല്‍ പിന്‍ ക്യാമറകളുണ്ട്. പ്രോ മാക്‌സ് മോഡലില്‍ മൂന്ന് 200 മെഗാപിക്‌സല്‍ ക്യാമറകളാണ് നല്‍കിയിരിക്കുന്നത്. 8K വീഡിയോ റെക്കോര്‍ഡിംഗ്, 8,000 mAh വരെ ശേഷിയുള്ള ബാറ്ററി, എഐ ഉപയോഗിച്ച് ചിത്രങ്ങള്‍ എഡിറ്റ് ചെയ്യാനുള്ള സൗകര്യം എന്നിവയും ലഭ്യമാണ്. തട്ടിപ്പ് കോളുകള്‍ തിരിച്ചറിയാന്‍ സഹായിക്കുന്ന എഐ കോള്‍ ഗാര്‍ഡും പുതിയ ഫോണുകളിലുണ്ട്.
ഇന്ത്യയില്‍ ഫൈന്‍ഡ് X10-ന്റെ 12GB RAM, 256GB സ്റ്റോറേജ് മോഡലിന് 1,39,999 രൂപയും 512GB മോഡലിന് 1,69,999 രൂപയുമാണ് വില. ഫൈന്‍ഡ് X10 പ്രോ മാക്‌സിന്റെ 12GB RAM, 512GB മോഡലിന് 1,99,999 രൂപയാണ് വില. എന്‍കോ X4 ഇയര്‍ബഡുകള്‍ക്ക് 19,999 രൂപയും പവര്‍ ബാങ്കിന് 2,199 രൂപയുമാണ് വില. യോഗ്യരായ ഉപഭോക്താക്കള്‍ക്ക് 38,000 രൂപ വരെ ക്യാഷ്ബാക്ക്, എക്‌സ്‌ചേഞ്ച് ആനുകൂല്യങ്ങള്‍, ഇഎംഐ സൗകര്യങ്ങള്‍ എന്നിവയും കമ്പനി വാഗ്ദാനം ചെയ്യുന്നു. ഓഫറുകള്‍ നിബന്ധനകള്‍ക്കും ലഭ്യതയ്ക്കും വിധേയമാണ്.