Login 
പഠിക്കാം & സമ്പാദിക്കാം 
Home
29 May 2026 8:59 PM IST
വിലക്കയറ്റം; സ്മാര്ട്ട്ഫോണ്വില്പ്പന കുത്തനെ ഇടിയും, തിളങ്ങാന് സെക്കന്ഡ് ഹാന്ഡ് വിപണി
MyFin Desk
Summary
ആഗോളതലത്തില് സെമികണ്ടക്ടര് ചിപ്പുകളുടെയും മെമ്മറി ഘടകങ്ങളുടെയും വിലയിലുണ്ടായ വര്ദ്ധനവാണ് സ്മാര്ട്ട്ഫോണുകളുടെ വില കുത്തനെ ഉയരാന് കാരണം
സ്മാര്ട്ട്ഫോണ് വിലയിലുണ്ടാകുന്ന തുടര്ച്ചയായ വര്ദ്ധനവ് ഇന്ത്യന് വിപണിയില് വലിയ പ്രതിസന്ധി സൃഷ്ടിക്കുമെന്ന് റിപ്പോര്ട്ട്. ജൂലൈ മുതല് ഡിസംബര് വരെയുള്ള ഉത്സവകാല സീസണില് സ്മാര്ട്ട്ഫോണ് വാങ്ങാന് പദ്ധതിയിടുന്നവരില് പകുതിയലധികം പേരും വാങ്ങലുകള് മാറ്റിവയ്ക്കാനോ സെക്കന്ഡ് ഹാന്ഡ് വിപണിയെ ആശ്രയിക്കാനോ സാധ്യതയുണ്ടെന്ന് ട്രാക്കിന് ടെക്കും ടെക്ആര്ക്കും സംയുക്തമായി പുറത്തുവിട്ട റിപ്പോര്ട്ട് വ്യക്തമാക്കുന്നു. ഇത് രാജ്യത്തെ വാര്ഷിക സ്മാര്ട്ട്ഫോണ് വില്പ്പനയില് 30 ശതമാനം വരെ ഇടിവുണ്ടാക്കിയേക്കാം.
ഈ പ്രതിസന്ധി ഇന്ത്യയിലെ മൊത്തം സ്മാര്ട്ട്ഫോണ് ഡിമാന്ഡിന്റെ 54 ശതമാനത്തെ ബാധിക്കുമെന്നാണ് പഠനം പറയുന്നത്. ആഗോളതലത്തില് സെമികണ്ടക്ടര് ചിപ്പുകളുടെയും മെമ്മറി ഘടകങ്ങളുടെയും വിലയിലുണ്ടായ വര്ദ്ധനവാണ് സ്മാര്ട്ട്ഫോണുകളുടെ വില കുത്തനെ ഉയരാന് കാരണം. പ്രത്യേകിച്ച് 20,000 രൂപയില് താഴെ വിലയുള്ള എന്ട്രി, ബജറ്റ് സെഗ്മെന്റ് ഹാന്ഡ്സെറ്റുകളെയാണ് ഈ വിലക്കയറ്റം കാര്യമായി ബാധിച്ചത്. ഇവിടെ എട്ടുമുതല് 12 ശതമാനം വില വര്ദ്ധിച്ചു. ഈ വിഭാഗത്തില് മെമ്മറി ചെലവുകള് ഉല്പ്പാദനച്ചെലവിന്റെ 40 ശതമാനം വരെ വരുന്നു.
എഐ മേഖലയിലെ വലിയ നിക്ഷേപങ്ങള്, രൂപയുടെ മൂല്യത്തകര്ച്ച, ലാഭക്ഷമതയ്ക്ക് മുന്ഗണന നല്കുന്ന ബ്രാന്ഡുകളുടെ പുതിയ തന്ത്രങ്ങള് എന്നിവയാണ് വിലക്കയറ്റത്തിന് പിന്നിലെ പ്രധാന കാരണങ്ങളെന്ന് വിദഗ്ധര് ചൂണ്ടിക്കാട്ടുന്നു. ഇതിനുപുറമെ, വായ്പ തിരിച്ചടവിലെ വീഴ്ചകള് കാരണം ധനകാര്യ സ്ഥാപനങ്ങള് വായ്പ അനുവദിക്കുന്നതില് കര്ശനമായ നിലപാട് സ്വീകരിക്കുന്നതും സാധാരണക്കാര്ക്ക് തിരിച്ചടിയാകുന്നുണ്ട്. ഇത് വാങ്ങല് ശേഷിയെ കാര്യമായി ബാധിക്കുകയും വിപണിയെ മന്ദഗതിയിലാക്കുകയും ചെയ്യുന്നു.
എങ്കിലും, ഈ സാഹചര്യം സെക്കന്ഡ് ഹാന്ഡ് വിപണിക്ക് വന് കുതിപ്പേകുമെന്ന് റിപ്പോര്ട്ട് പറയുന്നു. പുതുക്കിയതോ ഉപയോഗിച്ചതോ ആയ സ്മാര്ട്ട്ഫോണുകളുടെ വിപണി ഈ വര്ഷം 30 മുതല് 32 ദശലക്ഷം യൂണിറ്റുകളായി ഉയരുമെന്നാണ് കണക്കാക്കപ്പെടുന്നത്. ഉപഭോക്താക്കള്ക്ക് ഇപ്പോഴും മികച്ച സ്മാര്ട്ട്ഫോണുകള് വേണമെങ്കിലും, താങ്ങാനാവുന്ന വിലയ്ക്ക് മാത്രമേ അവര് അത് വാങ്ങൂ. സാങ്കേതികവിദ്യ വീണ്ടും ജനകീയമാക്കുന്ന ബ്രാന്ഡുകള്ക്കായിരിക്കും ഭാവിയില് വിപണിയില് നിലനില്പ്പുള്ളതെന്നും ഈ റിപ്പോര്ട്ട് ഓര്മ്മിപ്പിക്കുന്നു.