Login 
പഠിക്കാം & സമ്പാദിക്കാം 
Home
26 Feb 2026 9:41 PM IST
Samsung Galaxy S26 Series Launched : എഐ കരുത്തോടെ സാംസങ് ഗാലക്സി എസ്26 സീരീസ് പുറത്തിറങ്ങി
MyFin Desk
Summary
200MP ക്യാമറയും Snapdragon 8 Elite Gen 5 ചിപ്സെറ്റുമായി എസ്26 അള്ട്ര; വില 1.39 ലക്ഷം മുതല്
സ്മാർട്ട്ഫോൺ ലോകം കാത്തിരുന്ന സാംസങ് ഗാലക്സി എസ്26 സീരീസ് ഔദ്യോഗികമായി അവതരിപ്പിച്ചു. സാന് ഫ്രാന്സിസ്കോയില് നടന്ന Galaxy Unpacked 2026 ചടങ്ങിലാണ് മൂന്നാം തലമുറ എഐ സാങ്കേതികവിദ്യയോടുകൂടിയ പുതിയ ഫ്ലാഗ്ഷിപ്പ് സ്മാര്ട്ട്ഫോണുകള് സാംസങ് പുറത്തിറക്കിയത്.
ഗാലക്സി എസ്26, എസ്26 പ്ലസ്, എസ്26 അള്ട്ര എന്നീ മൂന്ന് മോഡലുകളാണ് വിപണിയിലെത്തിയത്. മികച്ച പെര്ഫോമന്സ്, സ്വാഭാവികമായ എഐ അനുഭവം, മെച്ചപ്പെടുത്തിയ പ്രൈവസി ഫീച്ചറുകള് എന്നിവയാണ് സീരീസിന്റെ പ്രധാന ആകര്ഷണം.
ഗാലക്സി എസ്26 അള്ട്രയില് 6.9 ഇഞ്ച് ഡൈനാമിക് AMOLED 2X ഡിസ്പ്ലേയും പുതിയ Snapdragon 8 Elite Gen 5 ചിപ്സെറ്റും ഉള്പ്പെടുത്തിയിട്ടുണ്ട്. 200 മെഗാപിക്സല് വൈഡ് ആംഗിള് ക്യാമറ, 50MP ടെലിഫോട്ടോ ലെന്സ്, 5x ഒപ്റ്റിക്കല് സൂം എന്നിവ ഫോട്ടോഗ്രഫിയെ കൂടുതല് പ്രൊഫഷണല് നിലവാരത്തിലേക്ക് ഉയര്ത്തുന്നു. കുറഞ്ഞ വെളിച്ചത്തിലും മികച്ച ചിത്രങ്ങള് പകര്ത്താന് സഹായിക്കുന്ന അപ്ഗ്രേഡ് ചെയ്ത നൈറ്റോഗ്രാഫി ഫീച്ചറും ഉള്പ്പെടുത്തിയിട്ടുണ്ട്.
എഐ അധിഷ്ഠിത മുന്ക്യാമറ സെല്ഫികളില് ചര്മ്മനിറവും മുടിയിഴകളുടെ വിശദാംശങ്ങളും വ്യക്തമായി പകര്ത്തുന്നു. മുന്ഗാമിയേക്കാള് 0.3 മില്ലിമീറ്റര് കുറഞ്ഞ കനം, വെറും 214 ഗ്രാം ഭാരം, അതിവേഗ ചാര്ജിംഗ്, ഹൈഎന്ഡ് വീഡിയോ റെക്കോര്ഡിംഗ് സൗകര്യം എന്നിവയും എസ്26 അള്ട്രയെ പ്രീമിയം സെഗ്മെന്റില് ശക്തമാക്കുന്നു.
ഇന്ത്യയില് ഗാലക്സി എസ്26 അള്ട്രയുടെ 12GB + 256GB വേരിയന്റിന് ₹1,39,999 രൂപയാണ് വില. 12GB + 512GB മോഡലിന് ₹1,59,999 രൂപയും 16GB + 1TB വേരിയന്റിന് ₹1,89,999 രൂപയുമാണ് വില. ബ്ലാക്ക്, ബ്ലൂ, പര്പ്പിള്, വൈറ്റ് നിറങ്ങളില് സ്മാര്ട്ട്ഫോണ് ലഭ്യമാണ്.