Login 
പഠിക്കാം & സമ്പാദിക്കാം 
Home
27 July 2026 2:58 PM IST
ക്യാമറയിലും പെര്ഫോമന്സിലും വമ്പന് മാറ്റങ്ങള്; സാംസങ് ഗാലക്സി എസ് 27 സീരീസ് ഫീച്ചറുകള് പുറത്ത്
MyFin Desk
Summary
സ്റ്റാന്ഡേര്ഡ്, പ്ലസ് മോഡലുകളില് പുതിയ സോണി സെന്സറുകള് ഉള്പ്പെടുത്തുന്നതോടെ ഓട്ടോഫോക്കസ്, എച്ച്ഡിആര്, ലോ-ലൈറ്റ് ഫോട്ടോഗ്രാഫി എന്നിവ ഏറെ മെച്ചപ്പെടും
സ്മാര്ട്ട്ഫോണ് ലോകത്ത് വന് ആവേശമുണര്ത്തി സാംസങ്ങിന്റെ പുതിയ ഗാലക്സി എസ് 27 സീരീസിന്റെ വിവരങ്ങള് പുറത്ത്. ഡിസൈന്, പ്രകടനം, ക്യാമറ സാങ്കേതികവിദ്യ എന്നിവയില് വലിയ മാറ്റങ്ങളോടെയാണ് പുതിയ മോഡലുകള് വിപണിയിലെത്തുക. മുഴുവന് സീരീസിലും മികച്ച അനുഭവം നല്കുമ്പോഴും, അള്ട്രാ മോഡലിനെ ഏറ്റവും മികച്ച പ്രീമിയം ഫോണായി നിലനിര്ത്തുകയാണ് കമ്പനിയുടെ പ്രധാന ലക്ഷ്യം. അടുത്ത ഫെബ്രുവരിയിലാകും ഫോണ് വിപണിയിലെത്തുക.
ഫോണിന്റെ ക്യാമറ വിഭാഗത്തിലാണ് സാംസങ് ഏറ്റവും വലിയ മാറ്റങ്ങള് കൊണ്ടുവരുന്നത്. സ്റ്റാന്ഡേര്ഡ്, പ്ലസ് മോഡലുകളില് പുതിയ സോണി സെന്സറുകള് ഉള്പ്പെടുത്തുന്നതോടെ ഓട്ടോഫോക്കസ്, എച്ച്ഡിആര്, ലോ-ലൈറ്റ് ഫോട്ടോഗ്രാഫി എന്നിവ ഏറെ മെച്ചപ്പെടും. പ്രോ, അള്ട്രാ മോഡലുകളില് 16 മെഗാപിക്സലിന്റെ പുതിയ സെല്ഫി ക്യാമറയും 50 മെഗാപിക്സലിന്റെ അള്ട്രാവൈഡ് ലെന്സും ഇടംപിടിക്കും. കൂടാതെ, അള്ട്രാ മോഡലില് ഡ്യുവല് സൂം സജ്ജീകരണവും നിലനിര്ത്തിയിട്ടുണ്ട്.
ഡിസൈന് തലത്തിലും കാര്യമായ മാറ്റങ്ങളുണ്ട്. എസ് 26 അള്ട്രായിലെ ലംബമായ ക്യാമറ ലേഔട്ട് തന്നെയാകും പുതിയ അള്ട്രാ മോഡലിലും സാംസങ് തുടരുക. കനത്തിലും ഭാരത്തിലും മികച്ച ബാലന്സ് നിലനിര്ത്തിക്കൊണ്ട് ഉപയോക്താക്കള്ക്ക് പ്രീമിയം അനുഭവം നല്കാന് ഇതിലൂടെ സാധിക്കും. കൂടാതെ, വിപണിക്ക് അനുസരിച്ച് എക്സിനോസ് 2700 , സ്നാപ്ഡ്രാഗണ് പ്രൊസസ്സറുകള് വ്യത്യസ്ത മേഖലകളില് ലഭ്യമാക്കാനാണ് കമ്പനിയുടെ പദ്ധതിയെന്നും പുറത്തുവന്ന വാര്ത്തകള് സൂചിപ്പിക്കുന്നു.
സ്റ്റാന്ഡേര്ഡ് മോഡലുകള്ക്കും അള്ട്രായ്ക്കും ഇടയിലുള്ള മിഡ്-റേഞ്ച് ഓപ്ഷനായി 'എസ് 27 പ്രോ' എത്തുന്നതും ഈ സീരീസിന്റെ പ്രധാന പ്രത്യേകതയാണ്. വിലയും പ്രകടനവും തുലനം ചെയ്യാന് ആഗ്രഹിക്കുന്നവര്ക്ക് ഇത് മികച്ചൊരു ചോയിസ് ആയിരിക്കും. ഔദ്യോഗിക ലോഞ്ച് അടുക്കുന്തോറും ഈ മുന്നിര സ്മാര്ട്ട്ഫോണിനെക്കുറിച്ചുള്ള കൂടുതല് ആവേശകരമായ വിവരങ്ങള് പുറത്തുവരുമെന്നാണ് ടെക് ലോകത്തിന്റെ വിലയിരുത്തല്.