OnePlus 15R Launched India: കാത്തിരുപ്പുകൾക്ക് വിരാമം വൺപ്ലസ് 15R ഇന്ത്യയിൽ

കാത്തിരുപ്പുകൾക്ക് വിരാമമിട്ട് വൺപ്ലസ് 15R (OnePlus 15R) ഇന്ത്യയിൽ ലോഞ്ച് ചെയ്തു. ഏറ്റവും പുതിയ സ്നാപ്ഡ്രാഗൺ 8 ജെൻ 5 ചിപ് കരുത്താക്കിയാണ് വൺപ്ലസ് R സീരീസിലെ ഏറ്റവും പുതിയ ടോപ്പ്-എൻഡ് സ്മാർട്ട്‌ഫോണായ വൺപ്ലസ് 15R എത്തിയിരിക്കുന്നത്. ഈ ചിപ്സെറ്റുമായി ഇന്ത്യയിൽ ലോഞ്ച് ചെയ്യപ്പെടുന്ന ആദ്യ സ്മാർട്ട്ഫോൺ ആണ് ഇത്. 360° ക്രയോ-വെലോസിറ്റി കൂളിംഗ് സിസ്റ്റം ഇതിലുണ്ട്. മികച്ചതും സുഗമവുമായ വൈ-ഫൈ കണക്ഷനുകൾക്കായി ഒരു പ്രത്യേക വൈ-ഫൈ ചിപ്പ്, 7,400 mAh ബാറ്ററി ഉൾപ്പെടെയുള്ള ഫീച്ചറുകളും ഇതിലുണ്ട്.

ചാർക്കോൾ ബ്ലാക്ക്, മിന്റ് ബ്രീസ്, ഇലക്ട്രിക് വയലറ്റ് എന്നീ ഡി​സൈനുകളുമായാണ് വൺപ്ലസ് 15R എത്തിയിരിക്കുന്നത്. പ്രീമിയം മോഡലായ വൺപ്ലസ് 15 -ൽ ഉള്ളതുപോലെ മികച്ച ഫോട്ടോഗ്രഫിക്കായി ഒന്നിലധികം സാങ്കേതികവിദ്യകൾ സംയോജിപ്പിക്കുന്ന ഒരു നൂതന സംവിധാനമായ DetailMax എഞ്ചിൻ ഇതിലുണ്ട്. അൾട്രാ-ക്ലിയർ 26MP മോഡ്, ക്ലിയർ ബർസ്റ്റ്, ക്ലിയർ നൈറ്റ് എഞ്ചിൻ എന്നിങ്ങനെ ഫോട്ടോഗ്രഫി മികവ് വർധിപ്പിക്കാൻ വിവിധ ഫീച്ചറുകളുമുണ്ട്.

വിലയും ലഭ്യതയും

വൺപ്ലസ് 15R ന്റെ 12GB + 256GB മോഡലിന് 47,999 രൂപയും, 16GB + 512GB മോഡലിന് 52,999 രൂപയുമാണ് വില. എന്നാൽ ലോഞ്ച് ഓഫറിന്റെ ഭാഗമായി ലഭ്യമായ ബാങ്ക് ഡിസ്കൗണ്ടുകൾ ലഭിക്കുമ്പോൾ അ‌ടിസ്ഥാന വേരിയന്റ് 44999 രൂപ വിലയിലും ടോപ് മോഡൽ 47999 രൂപ വിലയിലും വാങ്ങാനാകും.

വൺപ്ലസ് 15R പ്രീ-ബുക്ക് ചെയ്യുന്ന ഉപഭോക്താക്കൾക്ക് അധിക ചെലവില്ലാതെ 2,299 രൂപ വിലയുള്ള വൺപ്ലസ് നോർഡ് ബഡ്‌സ് 3 (ഹാർമോണിക് ഗ്രേ) ലഭിക്കും. വൺപ്ലസ് 15R ന്റെ എല്ലാ ഉപയോക്താക്കൾക്കും 180 ദിവസത്തെ ഫോൺ റീപ്ലേസ്‌മെന്റ് പ്ലാനും ലൈഫ് ടൈം ഡിസ്‌പ്ലേ വാറണ്ടിയും ലഭിക്കും.

വൺപ്ലസ് 15R പ്രീ-ബുക്കിംഗ് ആരംഭിച്ചിട്ടുണ്ട്. ഡിസംബർ 22 ന് ആണ് ഓപ്പൺ സെയിൽ ആരംഭിക്കുക. വൺപ്ലസിന്റെ ഇന്ത്യയിലെ ഔ​ദ്യോഗിക വെബ്​സൈറ്റ്, വൺപ്ലസ് സ്റ്റോർ ആപ്പ്, ആമസോൺ, വൺപ്ലസ് എക്സ്പീരിയൻസ് സ്റ്റോഴ്‌സ്, റിലയൻസ് ഡിജിറ്റൽ, ക്രോമ, വിജയ് സെയിൽസ്, ബജാജ് ഇലക്ട്രോണിക്സ് തുടങ്ങിയ ഓഫ്‌ലൈൻ റീട്ടെയിൽ പാർട്നേഴ്സ് എന്നിവ വഴി ഈ ഫോൺ വാങ്ങാൻ സാധിക്കും.