ഡിസ്‌കൗണ്ട് മാര്‍ജിന്‍ എന്നാൽ എന്ത്?

മാറുന്ന പലിശ നിരക്കുള്ള ഉപകരണം (floating-rate security), ഉദാഹരണമായി ബോണ്ടുകള്‍, അതിന്റെ റഫറന്‍സ് റേറ്റ് ആയി പരിഗണിക്കുന്ന ഉല്‍പ്പന്നത്തിന്റെ/ സൂചകത്തിന്റെ (index) വരുമാനത്തില്‍ നിന്നും അധികമായി നേടുന്ന വരുമാനമാണ് ഡിസ്‌കൗണ്ട് മാര്‍ജിന്‍ (Discount margin).

ഒരു ഫ്ളോട്ടിംഗ്-റേറ്റ് ഉപകരണത്തിന്റെ ഭാവിയിലെ വരുമാനം കണക്കാക്കാന്‍ പ്രയാസമാണ്. അതിനായി ഒരു റഫറന്‍സ് റേറ്റ് വേണം. അത് തുല്യനിലയിലുള്ള മറ്റൊരു ഉല്‍പ്പന്നത്തിന്റെ വരുമാനമാവാം, അല്ലെങ്കില്‍ ഒരു സൂചകത്തിന്റെ പ്രകടനമാവാം (performance of an index). ഉദാഹരണമായി, ഒരു ഫ്ളോട്ടിംഗ്-റേറ്റ് ബോണ്ടില്‍ നിന്നും ലഭിക്കുന്ന ശരാശരി വരുമാനം ഒരു ഫിക്സ്ഡ്-റേറ്റ് ബോണ്ടിന്റെ വരുമാനത്തെ അപേക്ഷിച്ച് എത്ര കൂടുതലാണ് എന്നതാണ് ഡിസ്‌കൗണ്ട് മാര്‍ജിന്‍ വ്യക്തമാക്കുന്നത്. ഈ വരുമാന വര്‍ധനവ് ഫ്ളോട്ടിംഗ്-റേറ്റ് ബോണ്ടില്‍ ഉള്‍പ്പെട്ടിരിക്കുന്ന റിസ്‌കിന്റെ പ്രതിഫലനമാണ്.