വിദേശ നിക്ഷേപം തുടരുന്നു, നേട്ടത്തിൽ വിപണി

തുടർച്ചയായ എട്ടാം ദിനവും വ്യപാരം പുരോഗമിക്കുമ്പോൾ സൂചികകൾ മുന്നേറ്റം തുടരുന്ന കാഴ്ചയാണ് വിപണിയിലുള്ളത്.

ഏഷ്യൻ വിപണികളിലെ ശക്തമായ പ്രവണതയും വിദേശ നിക്ഷേപവുമാണ് വിപണിയിൽ നേട്ടം നിലനിർത്തുന്ന പ്രധാന കാരണങ്ങൾ. ഒപ്പം റിലയൻസ് ഇൻഡസ്ട്രീസ്, എച്ച്ഡിഎഫ് സി ബാങ്ക്, എച്ച്ഡിഎഫ് സി, ടാറ്റ കൺസൾട്ടൻസി സർവീസസ് എന്നിവയും നേട്ടത്തിലാണ് വ്യാപാരം ചെയുന്നത്.

പ്രാരംഭ ഘട്ടത്തിൽ സെൻസെക്സ് 92.29 പോയിന്റ് ഉയർന്ന് 60,250.01 ലും നിഫ്റ്റി 51.35 പോയിന്റ് നേട്ടത്തിൽ 17,773.65 ലുമെത്തിയിരുന്നു. 12 .00 മണിക്ക് സെൻസെക്സ് 95.73 പോയിന്റ് നേട്ടത്തിൽ 60,253.45 ലും നിഫ്റ്റി 42.65 പോയിന്റ് ഉയർന്ന് 17,764.45 ലുമാണ് വ്യപാരം ചെയ്യുന്നത്.

സെൻസെക്സിൽ റിലയൻസ് ഇൻഡസ്ട്രീസ്, എച്ച്ഡിഎഫ് സി, എച്ച്ഡിഎഫ് സി ബാങ്ക്, ടൈറ്റൻ, അൾട്രാ ടെക്ക് സിമന്റ്, ടാറ്റ കൺസൾട്ടൻസി സർവീസസ്, ടാറ്റ മോട്ടോഴ്‌സ്, ബജാജ് ഫിൻസേർവ്, ബജാജ് ഫിനാൻസ്, ടാറ്റ സ്റ്റീൽ, എന്നിവ നേട്ടത്തിലാണ്.

ഇൻഡസ് ഇൻഡ് ബാങ്ക്, ഹിന്ദുസ്ഥാൻ യുണിലിവർ, പവർ ഗ്രിഡ്, എൻടിപിസി, കൊട്ടക് മഹിന്ദ്ര ബാങ്ക് എന്നിവ നഷ്ടത്തിലാണ്.

ചൊവ്വാഴ്ച യു എസ് വിപണി ദുർബലമായാണ് വ്യാപാരം അവസാനിപ്പിച്ചത്.

അന്താരാഷ്ട്ര ബ്രെന്റ് ക്രൂഡ് ഓയിൽ വില 0.02 ശതമാനം ഉയർന്ന് ബാരലിന് 85.63 ഡോളറായി.

ചൊവ്വാഴ്ച വിദേശ നിക്ഷേപകർ 342.84 കോടി രൂപയുടെ ഓഹരികൾ വാങ്ങി.