ആഗോള വിപണികൾ പോസിറ്റീവായി, ഇന്ത്യൻ സൂചികകൾ ഉയർന്നേക്കും

ആഗോള വിപണിയിലെ സമ്മിശ്ര സൂചനകൾക്കിടയിൽ ഇന്ത്യൻ ഓഹരി വിപണി സൂചികകളായ സെൻസെക്സും നിഫ്റ്റിയും ബുധനാഴ്ച ഉയർന്ന നിലയിൽ തുറക്കുമെന്ന് പ്രതീക്ഷിക്കുന്നു. ഗിഫ്റ്റ് നിഫ്റ്റി നേട്ടത്തിൽ വ്യാപാരം ആരംഭിച്ചു.  ഏഷ്യൻ വിപണികൾ ഉയർന്ന നിലയിലാണ് വ്യാപാരം നടത്തുന്നത്.  യുഎസ്-ചൈന വ്യാപാര സംഘർഷങ്ങൾ വർദ്ധിച്ചുവരുന്ന സാഹചര്യത്തിൽ, യുഎസ് ഓഹരി വിപണി സമ്മിശ്ര നിലയിലാണ് വ്യാപാരം അവസാനിപ്പിച്ചത്.

ഇന്ത്യൻ  വിപണി

ചൊവ്വാഴ്ച, ഇന്ത്യൻ ഓഹരി വിപണി സൂചികകൾ ഇടിവിൽ അവസാനിച്ചു. ബെഞ്ച്മാർക്ക് നിഫ്റ്റി 25,200 ലെവലിനു താഴെയായി.  സെൻസെക്സ് 297.07 പോയിന്റ് അഥവാ 0.36% ഇടിഞ്ഞ് 82,029.98 ൽ ക്ലോസ് ചെയ്തു. അതേസമയം നിഫ്റ്റി 50 81.85 പോയിന്റ് അഥവാ 0.32% ഇടിഞ്ഞ് 25,145.50 ൽ ക്ലോസ് ചെയ്തു.

ഗിഫ്റ്റ് നിഫ്റ്റി 

ഗിഫ്റ്റ് നിഫ്റ്റി 25,288 ലെവലിൽ വ്യാപാരം നടത്തുന്നു. നിഫ്റ്റി ഫ്യൂച്ചേഴ്‌സിന്റെ മുൻ ക്ലോസിനേക്കാൾ ഏകദേശം 82 പോയിന്റിന്റെ പ്രീമിയം. ഇത് ഇന്ത്യൻ ഓഹരി വിപണി സൂചികകൾക്ക് ഒരു പോസിറ്റീവ് തുടക്കത്തെ സൂചിപ്പിക്കുന്നു.

ഏഷ്യൻ വിപണികൾ

 ഏഷ്യൻ വിപണികൾ ബുധനാഴ്ച ഉയർന്ന നിലയിൽ വ്യാപാരം നടത്തുന്നു. ജപ്പാനിലെ നിക്കി 225 സൂചിക 0.82% ഉയർന്നപ്പോൾ ടോപ്പിക്സ് 0.75% ഉയർന്നു. ദക്ഷിണ കൊറിയയുടെ കോസ്പി 1.2% ഉയർന്നു. കോസ്ഡാക്ക് 0.83% ഉയർന്നു. ഹോങ്കോങ്ങിന്റെ ഹാങ് സെങ് സൂചിക ഫ്യൂച്ചറുകൾ ഉയർന്ന ഓപ്പണിംഗിനെ സൂചിപ്പിക്കുന്നു.

വാൾസ്ട്രീറ്റ്

 ചൊവ്വാഴ്ച യുഎസ് ഓഹരി വിപണി സമ്മിശ്രമായി അവസാനിച്ചു. ഡൗ ജോൺസ് വ്യാവസായിക ശരാശരി 202.88 പോയിന്റ് അഥവാ 0.44% ഉയർന്ന് 46,270.46 ലെത്തി. എസ് & പി  10.41 പോയിന്റ് അഥവാ 0.16% കുറഞ്ഞ് 6,644.31 ലെത്തി. നാസ്ഡാക്ക് കോമ്പോസിറ്റ് 172.91 പോയിന്റ് അഥവാ 0.76% താഴ്ന്ന് 22,521.70 ൽ ക്ലോസ് ചെയ്തു.

എൻവിഡിയ ഓഹരി വില 4.41% , ആമസോൺ ഓഹരികൾ 1.67% ഇടിഞ്ഞു. എച്ച്പി ഓഹരി വില 4.35% ഉയർന്നു. ഇന്റൽ ഓഹരികൾ 4.27% ഇടിഞ്ഞു. ടെസ്‌ല ഓഹരി വില 1.53% ഇടിഞ്ഞു.

പിന്തുണയും പ്രതിരോധവും

നിഫ്റ്റി 

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 25,268, 25,326, 25,422

പിന്തുണ: 25,077, 25,018, 24,922

ബാങ്ക് നിഫ്റ്റി

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 56,670, 56,786, 56,974

പിന്തുണ: 56,295, 56,179, 55,991

പുട്ട്-കോൾ അനുപാതം

മാർക്കറ്റിന്റെ മാനസികാവസ്ഥയെ സൂചിപ്പിക്കുന്ന നിഫ്റ്റി പുട്ട്-കോൾ അനുപാതം (PCR), ഒക്ടോബർ 14 ന് 0.91 ആയി കുറഞ്ഞു.

ഇന്ത്യ വിക്സ്

വിപണിയിലെ ചാഞ്ചാട്ടം അളക്കുന്ന ഇന്ത്യ വിക്സ്,1.34 ശതമാനം ഉയർന്ന് 11.16 ആയി.  വർദ്ധിച്ചുവരുന്ന ചാഞ്ചാട്ടം ഹ്രസ്വകാല അനിശ്ചിതത്വത്തിന് കാരണമായേക്കാം.

വിദേശ പോർട്ട്‌ഫോളിയോ നിക്ഷേപകർ

ചൊവ്വാഴ്ച വിദേശ പോർട്ട്‌ഫോളിയോ നിക്ഷേപകർ 1,508 കോടി രൂപയുടെ ഓഹരികൾ വിറ്റു. ആഭ്യന്തര നിക്ഷേപകർ 3,661 കോടി രൂപയുടെഓഹരികൾ വാങ്ങി.

രൂപ

ചൊവ്വാഴ്ച യുഎസ് ഡോളറിനെതിരെ രൂപയുടെ മൂല്യം 13 പൈസ ഇടിഞ്ഞ് എക്കാലത്തെയും താഴ്ന്ന നിരക്കായ 88.81 ൽ ക്ലോസ് ചെയ്തു.

സ്വർണ്ണ വില

 സ്വർണ്ണ വില റെക്കോർഡ് ഉയരത്തിലേക്ക് കുതിച്ചു. സ്‌പോട്ട് സ്വർണ്ണ വില ഔൺസിന് 0.4% ഉയർന്ന് 4,155.99 ഡോളറിലെത്തി. ഡിസംബറിലെ ഡെലിവറിക്കുള്ള യുഎസ് സ്വർണ്ണ ഫ്യൂച്ചറുകൾ 0.3% ഉയർന്ന് 4,174.30 ഡോളറിലെത്തി.

എണ്ണ വില

 അസംസ്കൃത എണ്ണ വില കുറഞ്ഞു. ബ്രെന്റ് ക്രൂഡ് ഓയിൽ ഫ്യൂച്ചറുകൾ ബാരലിന് 0.16% കുറഞ്ഞ് 62.29 ഡോളറിലെത്തി.  യുഎസ് വെസ്റ്റ് ടെക്സസ് ഇന്റർമീഡിയറ്റ് ഫ്യൂച്ചറുകൾ 0.14% കുറഞ്ഞ് 58.62 ഡോളറിലെത്തി. കഴിഞ്ഞ വ്യാപാര സെഷനിൽ രണ്ട് കരാറുകളും അഞ്ച് മാസത്തെ ഏറ്റവും താഴ്ന്ന നിലയിലാണ് ക്ലോസ് ചെയ്തത്.

ഇന്ന്  ഫലം പ്രഖ്യാപിക്കുന്ന കമ്പനികൾ

ആക്സിസ് ബാങ്ക്, എച്ച്ഡിഎഫ്സി ലൈഫ് ഇൻഷുറൻസ് കമ്പനി, എച്ച്ഡിഎഫ്സി അസറ്റ് മാനേജ്മെന്റ് കമ്പനി, എച്ച്ഡിബി ഫിനാൻഷ്യൽ സർവീസസ്, എൽ ആൻഡ് ടി ഫിനാൻസ്, ഏഞ്ചൽ വൺ, ഡെൽറ്റ കോർപ്പ്, ഹെറിറ്റേജ് ഫുഡ്സ്, ഇന്ത്യൻ റെയിൽവേ ഫിനാൻസ് കോർപ്പറേഷൻ, കെഇഐ ഇൻഡസ്ട്രീസ്, മാംഗ്ലൂർ റിഫൈനറി ആൻഡ് പെട്രോകെമിക്കൽസ്, മുത്തൂറ്റ് ക്യാപിറ്റൽ സർവീസസ്, നെറ്റ്‌വർക്ക് 18 മീഡിയ & ഇൻവെസ്റ്റ്‌മെന്റ്സ്, നുവോക്കോ വിസ്റ്റാസ് കോർപ്പറേഷൻ, ഒബ്‌റോയ് റിയാലിറ്റി, ക്വിക്ക് ഹീൽ ടെക്നോളജീസ്, റോസാരി ബയോടെക്, ടാറ്റ കമ്മ്യൂണിക്കേഷൻസ്, ഉർജ ഗ്ലോബൽ എന്നിവ ഇന്ന് അവരുടെ വരുമാനം പ്രഖ്യാപിക്കും.

ഇന്ന് ശ്രദ്ധിക്കേണ്ട ഓഹരികൾ

കീസ്റ്റോൺ റിയൽറ്റേഴ്‌സ്

പ്രൊമോട്ടർമാരായ ബൊമൻ റുസ്തം ഇറാനി, പെഴ്‌സി സൊറാബ്ജി ചൗധരി, ചന്ദ്രേഷ് ദിനേശ് മേത്ത എന്നിവർ ഒക്ടോബർ 15–16 തീയതികളിൽ ഓഫർ-ഫോർ-സെയിൽ (ഒഎഫ്‌എസ്) വഴി കീസ്റ്റോൺ റിയൽറ്റേഴ്‌സിലെ 45.76 ലക്ഷം ഓഹരികൾ (3.63% ഓഹരികൾ) വിൽക്കാൻ ഒരുങ്ങുന്നു. ഓഹരിക്ക് 550 രൂപയായി  വില നിശ്ചയിച്ചിരിക്കുന്നു.

സാത്വിക് ഗ്രീൻ എനർജി

കമ്പനിയുടെ അനുബന്ധ സ്ഥാപനമായ സാത്വിക് സോളാർ ഇൻഡസ്ട്രീസിനു സോളാർ പിവി മൊഡ്യൂളുകൾ വിതരണം ചെയ്യുന്നതിനായി മൂന്ന് പ്രശസ്ത സ്വതന്ത്ര വൈദ്യുതി ഉൽപ്പാദകരിൽ നിന്നും/ഇപിസി പ്ലെയറുകളിൽ നിന്നും 638.85 കോടി രൂപയുടെ ഓർഡർ ലഭിച്ചു.

വേദാന്ത

ജയ്പ്രകാശ് അസോസിയേറ്റ്സിനെ വേദാന്ത ഏറ്റെടുക്കുന്നതിന് കോമ്പറ്റീഷൻ കമ്മീഷൻ ഓഫ് ഇന്ത്യ (സിസിഐ) അംഗീകാരം നൽകി. ഇൻസോൾവൻസി ആൻഡ് ബാങ്ക്റപ്‌സി കോഡിന് കീഴിലുള്ള കോർപ്പറേറ്റ് ഇൻസോൾവൻസി റെസല്യൂഷൻ പ്രോസസ് (സിഐആർപി) അനുസരിച്ചാണ് ഈ ഇടപാട്.

ജി ആർ ഇൻഫ്രാപ്രൊജക്റ്റ്സ്

ഒക്ടോബർ 9 ന് ആദായനികുതി വകുപ്പ് കമ്പനിയുടെ ഹെഡ് ഓഫീസ്, കോർപ്പറേറ്റ് ഓഫീസ്, കമ്പനിയുടെ മറ്റ് ചില സ്ഥലങ്ങൾ എന്നിവിടങ്ങളിൽ റെയ്ഡ് നടത്തി. ഒക്ടോബർ 14 ന്  റെയ്ഡ് അവസാനിച്ചു. 

ഓല ഇലക്ട്രിക് മൊബിലിറ്റി

 ഇവി കമ്പനി ഒക്ടോബർ 17 ന്  ഒരു പുതിയ ഉൽപ്പന്നം പുറത്തിറക്കാൻ ഒരുങ്ങുന്നു. ഈ ദീപാവലിക്ക് ആദ്യത്തെ വാഹനേതര ഉൽപ്പന്നം പുറത്തിറക്കുന്നതിനെക്കുറിച്ച് പ്രൊമോട്ടറും സിഎംഡിയും ട്വീറ്റ് ചെയ്തു.

ലെമൺ ട്രീ ഹോട്ടൽസ്

ഗാന്ധിധാമിലെ ഒരു പുതിയ ഹോട്ടൽ പ്രോപ്പർട്ടിക്ക് കമ്പനി ലൈസൻസ് കരാറിൽ ഒപ്പുവച്ചു. പ്രോപ്പർട്ടി അതിന്റെ അനുബന്ധ സ്ഥാപനമായ കാർണേഷൻ ഹോട്ടൽസായിരിക്കും കൈകാര്യം ചെയ്യുന്നത്.