ഇന്ത്യൻ ഓഹരി വിപണി ഇന്ന് നഷ്ട്ടത്തിൽ വ്യാപാരം അവസാനിപ്പിച്ചു. സെൻസെക്സ് 375 പോയിന്റ് ഇടിഞ്ഞ് 82,259 ലും നിഫ്റ്റി 100 പോയിന്റ് ഇടിഞ്ഞ് 25,111 ലും ക്ലോസ് ചെയ്തു.
സെൻസെക്സ് ഓഹരികൾ ( Top Gainers, Losers )
സെൻസെക്സ് ഓഹരികളിൽ ടാറ്റ സ്റ്റീൽ, ട്രെന്റ്, ടൈറ്റൻ, ടാറ്റ മോട്ടോഴ്സ് എന്നിവ നേട്ടമുണ്ടാക്കി. അതേസമയം ഇൻഫോസിസ്, എച്ച്സിഎൽ ടെക്, എറ്റേണൽ, ലാർസൺ ആൻഡ് ട്യൂബ്രോ, ടാറ്റ കൺസൾട്ടൻസി സർവീസസ്, ആക്സിസ് ബാങ്ക് എന്നിവ നഷ്ടത്തിൽ വ്യാപാരം അവസാനിപ്പിച്ചു.
സെക്ടര് സൂചിക
സെക്ടര് സൂചികകളിൽ എഫ്എംസിജി, മെറ്റൽ, കൺസ്യൂമർ ഡ്യൂറബിൾസ്, റിയൽറ്റി സൂചികകൾ 0.5-1 ശതമാനം നേട്ടമുണ്ടാക്കി. ഐടി, പിഎസ്യു ബാങ്ക് സൂചികകൾ 0.5-1 ശതമാനം ഇടിഞ്ഞു. ബിഎസ്ഇ മിഡ്ക്യാപ് സൂചിക ഫ്ലാറ്റ് ആയി അവസാനിച്ചപ്പോൾ സ്മോൾക്യാപ് സൂചിക 0.3 ശതമാനം ഉയർന്നു.
ആഗോള വിപണികൾ
ഏഷ്യൻ വിപണികളിൽ, ദക്ഷിണ കൊറിയയുടെ കോസ്പി, ജപ്പാന്റെ നിക്കി 225 സൂചിക, ഷാങ്ഹായുടെ എസ്എസ്ഇ കോമ്പോസിറ്റ് സൂചിക എന്നിവ നേട്ടത്തിൽ ക്ലോസ് ചെയ്തപ്പോൾ ഹോങ്കോങ്ങിന്റെ ഹാങ് സെങ് താഴ്ന്നു. യൂറോപ്യൻ വിപണികൾ ഉയർന്ന നിലയിലായിരുന്നു വ്യാപാരം. ബുധനാഴ്ച യുഎസ് വിപണികൾ ഉയർന്ന നിലയിലായിരുന്നു.
ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ വില 0.06 ശതമാനം ഇടിഞ്ഞ് ബാരലിന് 68.49 ഡോളറിലെത്തി.. ഡോളറിനെതിരെ രൂപയുടെ മൂല്യം 15 പൈസ ഇടിഞ്ഞ് 86.07 ൽ ക്ലോസ് ചെയ്തു.