ഇന്ത്യൻ ഓഹരി വിപണി ഇന്ന് നേട്ടത്തിൽ വ്യാപാരം അവസാനിപ്പിച്ചു. സെൻസെക്സ് 418 പോയിന്റ് ഉയർന്ന് 81,018 ൽ ലും നിഫ്റ്റി 157 പോയിന്റ് ഇടിഞ്ഞ് 24,722 ലും ക്ലോസ് ചെയ്തു.
സെൻസെക്സ് ഓഹരികൾ ( Top Gainers, Losers )
സെൻസെക്സ് ഓഹരികളിൽ ടാറ്റ സ്റ്റീൽ, അദാനി പോർട്ട്സ്, ടാറ്റ കൺസൾട്ടൻസി സർവീസസ്, ടെക് മഹീന്ദ്ര, ഭാരതി എയർടെൽ എന്നിവ നേട്ടമുണ്ടാക്കി. അതേസമയം പവർ ഗ്രിഡ്, എച്ച്ഡിഎഫ്സി ബാങ്ക്, ഐസിഐസിഐ ബാങ്ക്, ഹിന്ദുസ്ഥാൻ യൂണിലിവർ എന്നിവ നഷ്ടത്തിൽ വ്യാപാരം അവസാനിപ്പിച്ചു.
സെക്ടര് സൂചിക
സെക്ടര് സൂചികകളിൽ എഫ്എംസിജി ഒഴികെ മറ്റെല്ലാ സൂചികകളും ഇന്ന് നേട്ടത്തിലെത്തി. നിഫ്റ്റി മെറ്റൽ സൂചിക 2.48 ശതമാനവും നിഫ്റ്റി മീഡിയ,ഐടി, ഓട്ടോ എന്നിവ 1.60 ശതമാനവും ഉയർന്നു. ബിഎസ്ഇ മിഡ് ക്യാപ് സൂചിക 1.11 ശതമാനവും സ്മോൾ ക്യാപ് സൂചിക 0.76 ശതമാനം ഉയർന്നു.
ആഗോള വിപണികൾ
ഏഷ്യൻ വിപണികളിൽ, ഹോങ്കോങ്ങിന്റെ ഹാംഗ് സെങ്, ദക്ഷിണ കൊറിയയുടെ കോസ്പി, ഷാങ്ഹായുടെ എസ്എസ്ഇ കോമ്പോസിറ്റ് സൂചിക എന്നിവ നേട്ടത്തിലും ജപ്പാന്റെ നിക്കി 225 സൂചിക ഇടിവിലും ക്ലോസ് ചെയ്തു. യൂറോപ്പിലെ വിപണികൾ നേട്ടത്തിലാണ് വ്യാപാരം നടത്തിയത്. വെള്ളിയാഴ്ച യുഎസ് വിപണികൾ ഇടിവിൽ അവസാനിച്ചു.
ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ 1.15 ശതമാനം കുറഞ്ഞ് ബാരലിന് 68.87 ഡോളറിലെത്തി. ഡോളറിനെതിരെ രൂപയുടെ മൂല്യം 52 പൈസ ഇടിഞ്ഞ് 87.70 ൽ എത്തി.