ഇന്ത്യൻ ഓഹരി വിപണി ഇന്ന് നഷ്ട്ടത്തിൽ വ്യാപാരം അവസാനിപ്പിച്ചു. സെൻസെക്സ് 308 പോയിന്റ് ഇടിഞ്ഞ് 80,710 ൽ ലും നിഫ്റ്റി 73 പോയിന്റ് ഇടിഞ്ഞ് 24,649 ലും ക്ലോസ് ചെയ്തു.
സെൻസെക്സ് ഓഹരികൾ ( Top Gainers, Losers )
സെൻസെക്സ് ഓഹരികളിൽ ടൈറ്റാൻ, മാരുതി, ട്രെന്റ്, ഭാരതി എയർടെൽ, ബജാജ് ഫിനാൻസ്, ടെക് മഹീന്ദ്ര, സ്റ്റേറ്റ് ബാങ്ക് ഓഫ് ഇന്ത്യ, എൽ ആൻഡ് ടി, എച്ച്സിഎൽ ടെക്നോളജീസ്, എൻടിപിസി എന്നിവ നേട്ടമുണ്ടാക്കി. അതേസമയം അദാനി പോർട്ട്സ്, റിലയൻസ് ഇൻഡസ്ട്രീസ്, ഇൻഫോസിസ്, ഐസിഐസിഐ ബാങ്ക്, എറ്റേണൽ, ബിഇഎൽ, എച്ച്ഡിഎഫ്സി ബാങ്ക്, പവർ ഗ്രിഡ്, ഐടിസി, സൺ ഫാർമസ്യൂട്ടിക്കൽ എന്നിവ നഷ്ടത്തിൽ വ്യാപാരം അവസാനിപ്പിച്ചു.
സെക്ടര് സൂചിക
സെക്ടര് സൂചികകളിൽ നിഫ്റ്റി ഓട്ടോ, മെറ്റൽ എന്നിവ ഒഴികെ മറ്റെല്ലാ സൂചികകളും ഇടിവ് നേരിട്ടു. നിഫ്റ്റി ഓട്ടോ സൂചിക 0.4 ശതമാനവും മെറ്റൽ സൂചിക 0.09 ശതമാനവും ഉയർന്നു. അതേസമയം നിഫ്റ്റി ബാങ്ക്, ഐടി, ഓയിൽ & ഗ്യാസ്, എഫ്എംസിജി, ഫാർമ എന്നിവ 0.5 ശതമാനം വീതം ഇടിഞ്ഞു. ബിഎസ്ഇ മിഡ്ക്യാപ്, സ്മോൾക്യാപ് സൂചികകൾ നേരിയ നഷ്ടത്തിൽ അവസാനിച്ചു.
ആഗോള വിപണികൾ
ഏഷ്യൻ വിപണികളിൽ, ദക്ഷിണ കൊറിയയുടെ കോസ്പി, ഷാങ്ഹായുടെ എസ്എസ്ഇ കോമ്പോസിറ്റ് സൂചിക, ഹോങ്കോങ്ങിന്റെ ഹാംഗ് സെങ്, ജപ്പാന്റെ നിക്കി 225 സൂചിക എന്നിവ നേട്ടത്തിൽ ക്ലോസ് ചെയ്തു. യൂറോപ്യൻ വിപണികൾ നേട്ടത്തിലാണ് വ്യാപാരം നടത്തിയത്. തിങ്കളാഴ്ച യുഎസ് വിപണികൾ ഉയർന്നു.
ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ വില 1.02 ശതമാനം ഇടിഞ്ഞ് ബാരലിന് 68.06 ഡോളറിലെത്തി. ഡോളറിനെതിരെ രൂപയുടെ മൂല്യം 16 പൈസ ഇടിഞ്ഞ് 87.82 ൽ ക്ലോസ് ചെയ്തു.