കൂപ്പുകുത്തി രൂപ: ട്രംപ് പ്രഖ്യാപനത്തില്‍ ആടിയുലഞ്ഞ് ഓഹരി വിപണി, സെന്‍സെക്‌സ് 800 പോയിന്റ് ഇടിഞ്ഞു

ഇന്ത്യന്‍ ഓഹരി വിപണി ഇന്ന് നഷ്ടത്തിൽ വ്യാപാരം അവസാനിപ്പിച്ചു. സെന്‍സെക്‌സ് 849 പോയിന്റ് ഇടിഞ്ഞ് 80,786 ലും നിഫ്റ്റി 255 പോയിന്റ് ഇടിഞ്ഞ് 24,712 ലും ക്ലോസ് ചെയ്തു.

സെന്‍സെക്‌സ് ഓഹരികൾ

സെന്‍സെക്‌സ് ഓഹരികളില്‍ ഹിന്ദുസ്ഥാൻ യൂണിലിവർ, മാരുതി സുസുക്കി ഇന്ത്യ, ഐടിസി, ടാറ്റ കൺസൾട്ടൻസി സർവീസസ്, അൾട്രാടെക് സിമൻറ് എന്നിവ നേട്ടമുണ്ടാക്കി. അതേസമയം സൺ ഫാർമസ്യൂട്ടിക്കൽ, ടാറ്റ സ്റ്റീൽ, ട്രെന്റ്, ബജാജ് ഫിനാൻസ്, മഹീന്ദ്ര & മഹീന്ദ്ര, ബജാജ് ഫിൻ‌സെർവ്, റിലയൻസ് ഇൻഡസ്ട്രീസ്, ആക്സിസ് ബാങ്ക്, ടെക് മഹീന്ദ്ര, അദാനി പോർട്ട്സ്, ടൈറ്റാൻ, ബി‌ഇ‌എൽ, ലാർസൺ & ട്യൂബ്രോ എന്നിവ നഷ്ടത്തില്‍ വ്യാപാരം അവസാനിപ്പിച്ചു.

സെക്ടര്‍ സൂചികകൾ

സെക്ടര്‍ സൂചികകളില്‍ എഫ്‌എംസിജി ഒഴികെ മറ്റെല്ലാ മേഖലകളും ഇന്ന് നഷ്ടത്തിൽ അവസാനിച്ചു.  പി‌എസ്‌യു ബാങ്ക്, മെറ്റൽ, ഫാർമ, ഓയിൽ & ഗ്യാസ്, കൺസ്യൂമർ ഡ്യൂറബിൾസ്, റിയൽറ്റി, ടെലികോം എന്നിവ 1-2% ഇടിഞ്ഞു. ബി‌എസ്‌ഇ മിഡ്‌ക്യാപ് സൂചിക 1.3 ശതമാനവും സ്‌മോൾക്യാപ് സൂചിക 1.7 ശതമാനവും ഇടിഞ്ഞു.

ആഗോള വിപണികൾ

ഏഷ്യൻ വിപണികളിൽ, ഹോങ്കോങ്ങിന്റെ ഹാങ് സെങ്, ജപ്പാന്റെ നിക്കി 225 സൂചിക, ദക്ഷിണ കൊറിയയുടെ കോസ്പി, ഷാങ്ഹായുടെ എസ്എസ്ഇ കോമ്പോസിറ്റ് സൂചിക എന്നിവ നഷ്ടത്തിൽ ക്ലോസ് ചെയ്തു. യൂറോപ്യൻ വിപണികൾ താഴ്ന്ന നിലയിലായിരുന്നു വ്യാപാരം. തിങ്കളാഴ്ച യുഎസ് വിപണികൾ താഴ്ന്ന നിലയിലായിരുന്നു.

ക്രൂഡ്/ രൂപ

ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ വില 1.48 ശതമാനം കുറഞ്ഞ് ബാരലിന് 67.78 യുഎസ് ഡോളറിലെത്തി. ഡോളറിനെതിരെ രൂപയുടെ മൂല്യം 12 പൈസ ഇടിഞ്ഞ് 87.68 ൽ ക്ലോസ് ചെയ്തു.