ദലാല് സ്ട്രീറ്റ് അരങ്ങേറ്റത്തിനുള്ള തീയതി പ്രഖ്യാപിച്ച് ജിയോ ഫിനാന്ഷ്യല് സര്വീസസ്
- ജിയോ ഫിന് (JIOFIN ) എന്ന ചിഹ്നം ഉപയോഗിച്ചായിരിക്കും ഓഗസ്റ്റ് 21 മുതല് വ്യാപാരം നടത്തുക
- റിലയന്സ് ഇന്ഡസ്ട്രീസിന്റെ യോഗ്യരായ ഓഹരി ഉടമകളുടെ ഡീമാറ്റ് അക്കൗണ്ടുകളിലേക്ക് 1:1 എന്ന അനുപാതത്തില് കഴിഞ്ഞ ആഴ്ച ജിയോ ഫിനാന്ഷ്യല് സര്വീസസിന്റെ ഓഹരികള് ക്രെഡിറ്റ് ചെയ്തിരുന്നു
റിലയന്സ് ഇന്ഡസ്ട്രീസ് ലിമിറ്റഡില് (ആര്ഐഎല്) നിന്ന് ജുലൈ മാസം വേര്പെടുത്തിയ ജിയോ ഫിനാന്ഷ്യല് സര്വീസസ് (ജെഎഫ്എസ്എല്) ഓഗസ്റ്റ് 21 തിങ്കളാഴ്ച ഇന്ത്യന് സ്റ്റോക്ക് എക്സ്ചേഞ്ചുകളില് ലിസ്റ്റ് ചെയ്യും.
ജിയോ ഫിനാന്ഷ്യല് സര്വീസസിനെ എഫ്ടിഎസ്ഇ റസ്സല് (Financial Times Stock Exchange-Russell) അവരുടെ സൂചികകളില് നിന്ന് ഒഴിവാക്കുന്നതിന് ഒരു ദിവസം മുമ്പാണ് ഇന്ത്യയിലെ സ്റ്റോക്ക് എക്സ്ചേഞ്ചുകളില് ലിസ്റ്റ് ചെയ്യാന് തീരുമാനിച്ചിരിക്കുന്നത്. ലണ്ടന് സ്റ്റോക്ക് എക്സ്ചേഞ്ച് ഗ്രൂപ്പിന്റെ അനുബന്ധ സ്ഥാപനമാണ് എഫ്ടിഎസ്ഇ റസ്സല്.
റിലയന്സ് ഇന്ഡസ്ട്രീസിന്റെ യോഗ്യരായ ഓഹരി ഉടമകളുടെ ഡീമാറ്റ് അക്കൗണ്ടുകളിലേക്ക് 1:1 എന്ന അനുപാതത്തില് കഴിഞ്ഞ ആഴ്ച ജിയോ ഫിനാന്ഷ്യല് സര്വീസസിന്റെ ഓഹരികള് ക്രെഡിറ്റ് ചെയ്തിരുന്നു.
ജിയോ ഫിന് (JIOFIN ) എന്ന ചിഹ്നം ഉപയോഗിച്ചായിരിക്കും ഓഗസ്റ്റ് 21 മുതല് വ്യാപാരം നടത്തുക.
ബ്രോക്കിംഗ്, അസറ്റ് മാനേജ്മെന്റ്, എന്ബിഎഫ്സി, ഇന്ഷ്വറന്സ്, മ്യൂചല് ഫണ്ട് ബിസിനസുകള് എന്നിവയില് ലൈസന്സ് ഉണ്ട് ജിയോ ഫിനാന്ഷ്യല് സര്വീസസിന്.