വമ്പൻ ഐപിഒക്ക് ഒരുങ്ങി മീഷോയും; സമാഹരിക്കുന്നത് 5421 കോടി രൂപ

5421 കോടി രൂപയുടെ വമ്പൻ ഐപിഒക്ക് ഒരുങ്ങി മീഷോയും. മീഷോയുടെ ഐപിഒ ഡിസംബർ മൂന്നിന് ആരംഭിക്കും, പ്രൈസ് ബാൻഡ് ഒരു ഓഹരിക്ക് 105 രൂപ മുതൽ 111 രൂപ വരെയാണ് നിശ്ചയിച്ചിരിക്കുന്നത്. പുതിയ ഓഹരി ഇഷ്യുവും ആദ്യകാല നിക്ഷേപകരുടെ ഓഫർ ഫോർ സെയിലും ഐപിഒയിൽ ഉൾപ്പെടുന്നു. അടിസ്ഥാന സൗകര്യങ്ങൾ, മാർക്കറ്റിംഗ്, ഏറ്റെടുക്കലുകൾ എന്നിവയ്ക്ക് ഫണ്ട് നൽകുന്നതാണ് വരുമാനം. ഡിസംബർ 12 ന് മീഷോ ഓഹരി വിപണിയിൽ ലിസ്റ്റ് ചെയ്യും.

സോഫ്റ്റ്ബാങ്ക് പിന്തുണയുള്ള ഇ-കൊമേഴ്‌സ് പ്ലാറ്റ്‌ഫോമാണ് മീഷോ. ഒരു രൂപ മുഖവിലയുള്ള ഓഹരിക്ക് 105 രൂപ മുതൽ 111 രൂപ വരെയായിരിക്കും വില. ഐപിഒയിലൂടെ 4,250 കോടി രൂപ വരെ സമാഹരിക്കും. നിലവിലുള്ള ഓഹരി ഉടമകളുടെ 10.55 കോടി വരെ ഇക്വിറ്റി ഷെയറുകളുടെ ഓഫർ ഫോർ സെയിൽ ഐപിഒയിൽ ഉൾപ്പെടുന്നു. ഡിസംബർ അഞ്ചിന് ഐപിഒ അവസാനിക്കും.