നിഫ്റ്റി ഫ്ലാറ്റ്, സെന്‍സെക്സ് നേട്ടത്തില്‍

ആഭ്യന്തര ഓഹരി വിപണി സൂചികകളില്‍ ഇന്ന് പ്രകടമായത് ചാഞ്ചാട്ടം.തുടക്ക വ്യാപാരത്തിൽ വിജയകരമായ റാലി തുടർന്ന ഇരുവിപണികളും പിന്നീട് ഇടിവിലേക്കും തുടര്‍ന്ന് ചാഞ്ചാട്ടത്തിലേക്കും നീങ്ങി. നിക്ഷേപകര്‍ ഇന്ത്യയുടെയും ഡാറ്റയുടെയും പണപ്പെരുപ്പ കണക്കുകള്‍ക്ക് കാത്തിരിക്കുകയും ഉയര്‍ന്ന മൂല്യം നിര്‍ണയ സംബന്ധിച്ച ആശങ്കയില്‍ ജാഗ്രത പാലിക്കുകയും ചെയ്യുന്നു.  സെൻസെക്‌സ് 94 പോയിന്റ് അഥവാ 0.14 ശതമാനം ഉയർന്ന് 67,221.13 ലും നിഫ്റ്റി 3 പോയിന്റ് അഥവാ 0.02 ശതമാനം ഇടിഞ്ഞ് 19,993.20 ലും ക്ലോസ് ചെയ്തു. സെന്‍സെക്സ് തുടര്‍ച്ചയായ എട്ടാം ദിനത്തിലാണ് നേട്ടത്തില്‍ വ്യാപാരം അവസാനിപ്പിക്കുന്നത്. 

സെൻസെക്‌സില്‍ ലാർസൻ ആൻഡ് ടൂബ്രോ, ഐസിഐസിഐ ബാങ്ക്, സൺ ഫാർമ,  ഇൻഫോസിസ്, ടാറ്റ കൺസൾട്ടൻസി സർവീസസ്, ഭാരതി എയർടെൽ തുടങ്ങിയ ഓഹരികൾ നേട്ടത്തിലാണ്. ജെഎസ്ഡബ്ല്യു സ്റ്റീൽ, എൻടിപിസി, മാരുതി, ഹിന്ദുസ്ഥാൻ യുണിലിവർ, ആക്‌സിസ് ബാങ്ക്, ടാറ്റ മോട്ടോഴ്‌സ് തുടങ്ങിയ ഓഹരികളാണ് ഇടിവില്‍ ഉള്ളത്.

ഏഷ്യൻ വിപണികളിൽ ടോക്കിയോ, ഓസ്ട്രേലിയ , തായ്വാന്‍ എന്നിവ നേട്ടത്തിലാണ് വ്യാപാരം അവസാനിപ്പിച്ചത്. ഷാങ്ഹായ്, ഹോങ്കോംഗ് എന്നിവ താഴ്ന്ന നിലയിലാണ്. തിങ്കളാഴ്ച യുഎസ് വിപണികൾ പോസിറ്റീവിലാണ് അവസാനിച്ചത്. 

എക്‌സ്‌ചേഞ്ച് ഡാറ്റ പ്രകാരം 1,473.09 കോടി രൂപയുടെ ഇക്വിറ്റികൾ വിദേശ നിക്ഷേപക സ്ഥാപനങ്ങള്‍ (എഫ്‌ഐഐകൾ) ഇന്നലെ വാങ്ങി. ഇന്നലെ സെന്‍സെക്സ് 528.17 പോയിന്റ് അഥവാ 0.79 ശതമാനം ഉയർന്ന് 67,127.08 ൽ എത്തി. നിഫ്റ്റി 176.40 പോയിന്റ് അഥവാ 0.89 ശതമാനം നേട്ടത്തോടെ 19,996.35 ൽ അവസാനിച്ചു.