നഷ്ടത്തില്‍ നിന്ന് കരകയറി; ഓഹരി വിപണിയില്‍ മുന്നേറ്റം

ഇന്ത്യൻ ഓഹരി വിപണി ഇന്ന് നേട്ടത്തിൽ വ്യാപാരം അവസാനിപ്പിച്ചു. സെൻസെക്സ് 90.83 പോയിന്റ് അഥവാ 0.11 ശതമാനം ഉയർന്ന് 83,697.29 ലും നിഫ്റ്റി 24.75 പോയിന്റ് അഥവാ 0.10 ശതമാനം ഉയർന്ന് 25,541.80 ൽ ക്ലോസ് ചെയ്തു

സെൻസെക്സ് ഓഹരികൾ ( Top Gainers, Losers )

സെൻസെക്സ് ഓഹരികളിൽ ആക്സിസ് ബാങ്ക്, ട്രെന്റ്, എറ്റേണൽ, ടെക് മഹീന്ദ്ര എന്നിവ ഇടിവ് രേഖപ്പെടുത്തി. അതേസമയം ഭാരത് ഇലക്ട്രോണിക്സ്, റിലയൻസ് ഇൻഡസ്ട്രീസ്, ഏഷ്യൻ പെയിന്റ്സ്, അൾട്രാടെക് സിമന്റ്, കൊട്ടക് മഹീന്ദ്ര ബാങ്ക്, എച്ച്ഡിഎഫ്സി ബാങ്ക് എന്നിവ നേട്ടമുണ്ടാക്കി.

സെക്ടര്‍ സൂചിക

സെക്ടര്‍ സൂചികകളിൽ പി‌എസ്‌യു ബാങ്ക് സൂചിക 0.7 ശതമാനം ഉയർന്നു. അതേസമയം റിയൽറ്റി, എഫ്എംസിജി, മീഡിയ, ഫാർമ എന്നിവ 0.5-1 ശതമാനം ഇടിഞ്ഞു. ബി‌എസ്‌ഇ മിഡ്‌ക്യാപ്, സ്‌മോൾക്യാപ് സൂചികകൾ 0.4 ശതമാനം വീതവും ഇടിഞ്ഞു. 

ആഗോള വിപണികൾ

ഏഷ്യൻ വിപണികളിൽ, ദക്ഷിണ കൊറിയയുടെ കോസ്പി, ഷാങ്ഹായുടെ എസ്എസ്ഇ കോമ്പോസിറ്റ് സൂചിക എന്നിവ നേട്ടത്തിലാണ് ക്ലോസ് ചെയ്തത്, ജപ്പാന്റെ നിക്കി 225 സൂചിക താഴ്ന്നു. ഹോങ്കോങ്ങിലെ വിപണികൾ താഴ്ന്ന നിലയിൽ ക്ലോസ് ചെയ്തു. യൂറോപ്യൻ വിപണികൾ താഴ്ന്ന നിലയിലായിരുന്നു വ്യാപാരം. യുഎസ് വിപണികൾ തിങ്കളാഴ്ച ഉയർന്ന നിലയിലായിരുന്നു.

ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ 0.22 ശതമാനം ഇടിഞ്ഞ് ബാരലിന് 66.56 ഡോളറിലെത്തി. ഡോളറിനെതിരെ രൂപയുടെ മൂല്യം 25 പൈസ ഉയർന്ന് 85.51 ൽ ക്ലോസ് ചെയ്തു.