ഇന്ത്യൻ ഓഹരി വിപണി ഇന്ന് നഷ്ടത്തിൽ വ്യാപാരം അവസാനിപ്പിച്ചു. സെൻസെക്സ് 170.22 പോയിന്റ് ഇടിഞ്ഞ് 83,239.47 ലും നിഫ്റ്റി 48.10 പോയിന്റ് ഇടിഞ്ഞ് 25,405.30 ലും ക്ലോസ് ചെയ്തു
സെൻസെക്സ് ഓഹരികൾ ( Top Gainers, Losers )
സെൻസെക്സ് ഓഹരികളിൽ കൊട്ടക് മഹീന്ദ്ര ബാങ്ക്, ബജാജ് ഫിൻസെർവ്, ബജാജ് ഫിനാൻസ്, അദാനി പോർട്ട്സ്, ട്രെന്റ്, സ്റ്റേറ്റ് ബാങ്ക് ഓഫ് ഇന്ത്യ, ടൈറ്റൻ, ടാറ്റ കൺസൾട്ടൻസി സർവീസസ് എന്നിവ ഇടിവ് രേഖപ്പെടുത്തി. അതേസമയം മാരുതി, ഇൻഫോസിസ്, എൻടിപിസി, ഏഷ്യൻ പെയിന്റ്സ്, എറ്റേണൽ, ഹിന്ദുസ്ഥാൻ യൂണിലിവർ എന്നിവ നേട്ടമുണ്ടാക്കി.
സെക്ടര് സൂചിക
സെക്ടര് സൂചികകളിൽ മെറ്റൽ, റിയൽറ്റി, പിഎസ്യു ബാങ്ക്, ടെലികോം എന്നിവ 0.5 ശതമാനം വീതം താഴ്ന്നപ്പോൾ, ഫാർമ, മീഡിയ, ഓയിൽ ആൻഡ് ഗ്യാസ്, ഓട്ടോ, കൺസ്യൂമർ ഡ്യൂറബിൾസ് എന്നിവ 0.3-1 ശതമാനം ഉയർന്നു.
ആഗോള വിപണികൾ
ഏഷ്യൻ വിപണികളിൽ, ദക്ഷിണ കൊറിയയുടെ കോസ്പി, ജപ്പാന്റെ നിക്കി 225 സൂചിക, ഷാങ്ഹായുടെ എസ്എസ്ഇ കോമ്പോസിറ്റ് സൂചിക എന്നിവ ഉയർന്നപ്പോൾ ഹോങ്കോങ്ങിന്റെ ഹാങ് സെങ് താഴ്ന്നു. യൂറോപ്യൻ വിപണികൾ സമ്മിശ്രമായാണ് വ്യാപാരം നടത്തിയത്. യുഎസ് വിപണികൾ ബുധനാഴ്ച ഉയർന്ന നിലയിൽ വ്യാപാരം അവസാനിപ്പിച്ചു.
ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ 1.03 ശതമാനം കുറഞ്ഞ് ബാരലിന് 68.40 യുഎസ് ഡോളറിലെത്തി. ഡോളറിനെതിരെ രൂപയുടെ മൂല്യം 31 പൈസ ഉയർന്ന് 85.31 ൽ ക്ലോസ് ചെയ്തു.