തുടക്കം ഇടിവില്‍; വിപണികള്‍ ചാഞ്ചാട്ടത്തില്‍

ഏഷ്യൻ വിപണികളിൽ നിന്നുള്ള ദുർബലമായ സൂചനകൾക്കിടയിൽ ഇക്വിറ്റി ബെഞ്ച്മാർക്ക് സൂചികകൾ വെള്ളിയാഴ്ച തുടക്ക വ്യാപാരത്തിൽ ഇടിഞ്ഞു, പിന്നീട് വലിയ അസ്ഥിരതയാണ് സൂചികകളില്‍ കാണുന്നത്. തുടക്കവ്യാപാരത്തില്‍ സെൻസെക്‌സ് 342.74 പോയിന്റ് കുറഞ്ഞ് 65,639.74 ൽ എത്തി. നിഫ്റ്റി 97.75 പോയിന്റ് താഴ്ന്ന് 19,667.45 ലെത്തി. പിന്നീട്, രണ്ട് ബെഞ്ച്മാർക്ക് സൂചികകളും കനത്ത ചാഞ്ചാട്ടം നേരിടുകയും നേട്ടത്തിനും നഷ്ടത്തിനും ഇടയിൽ മാറിമറിയുകയും ചെയ്തു. 

ആക്‌സിസ് ബാങ്ക്, സ്റ്റേറ്റ് ബാങ്ക് ഓഫ് ഇന്ത്യ, ബജാജ് ഫിനാൻസ്, ബജാജ് ഫിൻസെർവ്, എച്ച്‌ഡിഎഫ്‌സി ബാങ്ക്, ഐസിഐസിഐ ബാങ്ക് എന്നിവയാണ് വലിയ ഇടിവ് നേരിടുന്നത്. ഏഷ്യൻ പെയിന്റ്‌സ്, ഹിന്ദുസ്ഥാൻ യുണിലിവർ, നെസ്‌ലെ, മഹീന്ദ്ര ആൻഡ് മഹീന്ദ്ര, ടാറ്റ മോട്ടോഴ്‌സ്, ടൈറ്റാൻ തുടങ്ങിയ ഓഹരികൾ നേട്ടത്തിലാണ്.

ഏഷ്യൻ വിപണികളിൽ, സിയോൾ, ഷാങ്ഹായ്, ഹോങ്കോംഗ് എന്നിവ താഴ്ന്ന നിലയിൽ വ്യാപാരം നടത്തുമ്പോൾ ടോക്കിയോ പച്ചയിലാണ്. വ്യാഴാഴ്ച യുഎസ് വിപണികൾ സമ്മിശ്ര തലത്തിലാണ് അവസാനിച്ചത്.ആഗോള എണ്ണ മാനദണ്ഡമായ ബ്രെന്റ് ക്രൂഡ് 0.25 ശതമാനം ഉയർന്ന് ബാരലിന് 77.61 ഡോളറിലെത്തി.

എക്സ്ചേഞ്ച് ഡാറ്റ പ്രകാരം വ്യാഴാഴ്ച 957.25 കോടി രൂപയുടെ അറ്റവാങ്ങല്‍ ഇക്വിറ്റികളില്‍  വിദേശ നിക്ഷേപക സ്ഥാപനങ്ങള്‍ (എഫ്‌ഐഐ) നടത്തി. വ്യാഴാഴ്ച സെൻസെക്‌സ് 306.55 പോയിന്റ് അഥവാ 0.47 ശതമാനം ഉയർന്ന് 65,982.48 എന്ന നിലയിലെത്തി. നിഫ്റ്റി 89.75 പോയിന്റ് അഥവാ 0.46 ശതമാനം ഉയർന്ന് 19,765.20 ൽ എത്തി.