സന്തോഷവാർത്ത; സ്വര്‍ണം ഇപ്പോള്‍ വാങ്ങാം, 6 കാരണങ്ങള്‍

സാമ്പത്തിക വിപണിയിൽ വലിയ ചലനങ്ങൾ സൃഷ്ടിച്ചുകൊണ്ട് സ്വർണവിലയിൽ റെക്കോർഡ് ഇടിവാണ് രേഖപ്പെടുത്തിയിരിക്കുന്നത്. എക്കാലത്തെയും ഉയർന്ന നിരക്കായ 10 ഗ്രാം 1,80,779 രൂപയിൽ നിന്നും ഏകദേശം 21 ശതമാനത്തോളം ഇടിഞ്ഞ് 1,42,364 രൂപ നിലവാരത്തിലേക്ക് സ്വർണവില താഴ്ന്നിരിക്കുകയാണ്. സാംവത് 2083-ന്റെ തുടക്കത്തിൽ ഉണ്ടായ ഈ വിലയിടിവ് സാധാരണക്കാർക്കും നിക്ഷേപകർക്കും ഒരുപോലെ സ്വർണം സ്വന്തമാക്കാൻ ലഭിച്ചിരിക്കുന്ന സുവർണ്ണാവസരമാണ്. ഹ്രസ്വകാലത്തെ വിൽപന സമ്മർദ്ദങ്ങൾക്കിടയിലും ദീർഘകാല നിക്ഷേപകർക്ക് മികച്ച നേട്ടം സമ്മാനിക്കാൻ പോന്ന 6 പ്രധാന കാരണങ്ങളാണ് വിപണി വിദഗ്ധർ ചൂണ്ടിക്കാണിക്കുന്നത്.

1. വിലയിൽ വൻ ഇടിവ്

റെക്കോർഡ് ഉയരത്തിൽ നിന്നും ഏകദേശം 21% മുതൽ 23% വരെ വില താഴേക്ക് വന്നിരിക്കുന്നത് ഉപഭോക്താക്കൾക്കും നിക്ഷേപകർക്കും വിപണിയിലേക്ക് കുറഞ്ഞ ചെലവിൽ പ്രവേശിക്കാൻ വലിയൊരു അവസരമാണ് നൽകുന്നത്. മുൻകാല ഉയർന്ന നിരക്കുകളിൽ നിന്നും മാറിവിലക്കുറവിൽ സ്വർണം വാങ്ങാൻ പറ്റിയ ഏറ്റവും അനുയോജ്യമായ സമയമാണിത്.

2. കേന്ദ്ര ബാങ്കുകളുടെ വാങ്ങലുകൾ

വിലയിൽ തിരുത്തലുകൾ ഉണ്ടായെങ്കിലും ആഗോളതലത്തിൽ സെൻട്രൽ ബാങ്കുകൾ വലിയ തോതിൽ സ്വർണം വാങ്ങിക്കൂട്ടുന്നുണ്ട്. 2026-ലെ മൂന്നാം പാദത്തിൽ മാത്രം 321 ടൺ സ്വർണമാണ് വിവിധ രാജ്യങ്ങളുടെ കേന്ദ്ര ബാങ്കുകൾ സ്വന്തമാക്കിയത് (മുൻ വർഷത്തെ അപേക്ഷിച്ച് 42% വർദ്ധനവ്). ഇത് സ്വർണവിപണിക്ക് താഴെത്തട്ടിൽ ശക്തമായ പിന്തുണ നൽകുന്നുണ്ടെന്ന് കെഡിയ അഡ്വൈസറി വ്യക്തമാക്കുന്നു.

Technical Support & Buy on Dips

ആഭ്യന്തര വിപണിയിൽ MCX സ്വർണവില ഫിബൊനാച്ചി റിട്രേസ്‌മെന്റ് ലെവലായ 1,37,500 രൂപയോട് അടുത്ത് ശക്തമായ പിന്തുണ (Support Zone) കണ്ടെത്തുന്നുണ്ട്. മോട്ടിലാൽ ഓസ്വാൾ പോലുള്ള പ്രമുഖ ബ്രോക്കറേജ് സ്ഥാപനങ്ങൾ 'ബൈ ഓൺ ഡിപ്സ്' (വിലയിടിവുകളിൽ വാങ്ങുക) നയമാണ് നിക്ഷേപകർക്ക് നിർദ്ദേശിക്കുന്നത്. ഔൺസിന് 3,800 - 3,900 ഡോളർ നിലവാരം ദീർഘകാല നിക്ഷേപത്തിന് മികച്ചതാണ്.

4. ഭാവി ലക്ഷ്യവിലകൾ

വിപണി വിദഗ്ധരുടെ വിശകലനം അനുസരിച്ച്, ആഗോള വിപണിയിൽ ഹ്രസ്വകാല ലക്ഷ്യമായി 4,200 ഡോളറും ഇടക്കാല ലക്ഷ്യമായി 4,500 - 4,700 ഡോളറുമാണ് പ്രതീക്ഷിക്കുന്നത്. ആഭ്യന്തര വിപണിയിൽ ഇത് 1,60,000 - 1,68,000 രൂപ വരെ ഉയരാൻ സാധ്യതയുണ്ടെന്ന് കണക്കാക്കപ്പെടുന്നു. അതുകൊണ്ടുതന്നെ ഇപ്പോഴത്തെ വിലക്കുറവ് ഭാവിയിൽ മികച്ച ലാഭം നൽകും.

5 നിക്ഷേപ സാധ്യത

ഒറ്റയടിക്ക് മുഴുവൻ തുകയും മുടക്കുന്നതിന് പകരം, വില താഴേക്ക് വരുമ്പോൾ ഓരോ ഘട്ടമായി വാങ്ങി നിക്ഷേപം വൈവിധ്യവത്കരിക്കാൻ (Staggered buying) ഈ വിപണി സാഹചര്യം സഹായിക്കുന്നു. ഇത് നിക്ഷേപത്തിലെ റിസ്ക് ഗണ്യമായി കുറയ്ക്കുന്നു.

6 സുരക്ഷിത നിക്ഷേപം

സാംവത് 2083-ന്റെ തുടക്കത്തിൽ വിപണിയിൽ നിലനിൽക്കുന്ന അനിശ്ചിതത്വങ്ങൾക്കിടയിലും പോർട്ട്ഫോളിയോയിൽ സ്വർണത്തിന് നിശ്ചിത ശതമാനം സ്ഥാനം നൽകുന്നത് എക്കാലത്തും സുരക്ഷിതമാണ്. 2016-ൽ 30,000 രൂപയോളമുണ്ടായിരുന്ന സ്വർണം വർഷങ്ങളായി തുടർച്ചയായ വളർച്ചയാണ് കാഴ്ചവെച്ചിട്ടുള്ളത് എന്നതിനാൽ ദീർഘകാലാടിസ്ഥാനത്തിൽ സ്വർണം തന്നെയാണ് ഏറ്റവും വിശ്വസനീയമായ ആസ്തി.