Login 
പഠിക്കാം & സമ്പാദിക്കാം 
Home
7 Nov 2026 5:11 PM IST
Summary
പ്രതിവർഷ റീചാർജ് തലവേദന ഒഴിവാക്കാൻ ജിയോയുടെ പുതിയ 3 വർഷത്തെ പ്രീപെയ്ഡ് പ്ലാൻ. അൺലിമിറ്റഡ് 5G ഡാറ്റയും കോളുകളും ഒപ്പം ഒടിടി ആനുകൂല്യങ്ങളും ലഭ്യമാകുന്ന ഈ പ്ലാനിന്റെ മുഴുവൻ വിവരങ്ങളും അറിയാം
വർഷാവർഷമുള്ള റീചാർജ് വർദ്ധനവുകളും തലവേദനകളും ഒഴിവാക്കിക്കൊണ്ട് ടെലികോം വിപണിയിൽ ചരിത്രപരമായ നീക്കവുമായി റിലയൻസ് ജിയോ രംഗത്തെത്തിയിരിക്കുന്നു. ഉപഭോക്താക്കൾക്കായി 10,000 രൂപ നിരക്കിൽ പുതിയൊരു 3 വർഷത്തെ അൺലിമിറ്റഡ് കണക്റ്റിവിറ്റി പ്ലാനാണ് ജിയോ പ്രഖ്യാപിച്ചിരിക്കുന്നത്. ഒറ്റ തവണത്തെ റീചാർജിലൂടെ 36 മാസത്തേക്ക് റീചാർജ് ടെൻഷനില്ലാതെ സേവനങ്ങൾ ആസ്വദിക്കാൻ സാധിക്കുന്ന ഈ പ്ലാൻ, മൊബൈൽ വിപണിയിൽ വൻ തരംഗമാകും എന്നാണ് വിലയിരുത്തപ്പെടുന്നത്. ഇന്നുമുതൽ (നവംബർ 7, 2026) ലഭ്യമാകുന്ന ഈ പ്ലാൻ മൈജിയോ ആപ്പ് (MyJio app), ജിയോ വെബ്‌സൈറ്റ്, ജിയോ സ്റ്റോറുകൾ മറ്റ് ഔദ്യോഗിക റീചാർജ് ചാനലുകൾ വഴി ഉപഭോക്താക്കൾക്ക് സ്വന്തമാക്കാവുന്നതാണ്.
ആനുകൂല്യങ്ങളും ഫീച്ചറുകളും
10,000 രൂപ ചെലവഴിക്കുന്ന ഉപഭോക്താക്കൾക്ക് ലഭിക്കുന്ന ആനുകൂല്യങ്ങൾ വളരെ വലുതാണ്. ദിവസേന 2.5GB ഹൈ-സ്പീഡ് ഡാറ്റയും, 100 എസ്എംഎസുകളും ഇതിൽ ഉൾപ്പെടുന്നു. കൂടാതെ ജിയോയുടെ 5G കവറേജ് ഉള്ള പ്രദേശങ്ങളിൽ ഉപഭോക്താക്കൾക്ക് പരിധിയില്ലാത്ത അൺലിമിറ്റഡ് 5G ഡാറ്റയും അൺലിമിറ്റഡ് വോയ്സ് കോളുകളും ഈ പ്ലാൻ ഉറപ്പ് നൽകുന്നുണ്ട്. മൂന്ന് വർഷത്തെ (36 മാസം) ദീർഘകാല വാലിഡിറ്റിയാണ് ഇതിന്റെ ഏറ്റവും വലിയ പ്രത്യേകത.
ഡിജിറ്റൽ സേവനങ്ങളും ഒടിടി ആനുകൂല്യങ്ങളും
കേവലം കോളിംഗും ഡാറ്റയും മാത്രമല്ല, നിരവധി പ്രീമിയം ഡിജിറ്റൽ ആനുകൂല്യങ്ങളും ജിയോ ഈ പ്ലാനിലൂടെ നൽകുന്നുണ്ട്. ലൈവ് സ്പോർട്സ്, പ്രീമിയം എന്റർടെയിൻമെന്റ്, ഹോട്ട്‌സ്റ്റാർ ഒറിജിനലുകൾ, ഹോളിവുഡ് കണ്ടന്റുകൾ എന്നിവ ആസ്വദിക്കാനായി 'ജിയോഹോട്ട്‌സ്റ്റാർ മൊബൈൽ + ഹോളിവുഡ്' (JioHotstar Mobile + Hollywood) ആക്‌സസ് ഈ പ്ലാനിൽ ബണ്ടിൽ ചെയ്തിരിക്കുന്നു. ഇതിനുപുറമെ, ഡിസൈൻ പ്രേമികൾക്കും പ്രൊഫഷണലുകൾക്കുമായി 12 മാസത്തെ 'ക്യാൻവ പ്രോ ലൈറ്റ്' (Canva Pro Lite) സബ്‌സ്‌ക്രിപ്ഷനും ലഭിക്കും. പ്രീമിയം ഡിസൈൻ ടെംപ്ലേറ്റുകളും ടൂളുകളും ഇത് വഴി എളുപ്പത്തിൽ ഉപയോഗിക്കാൻ സാധിക്കും. ഡിജിറ്റൽ ഫയലുകളും ഫോട്ടോകളും സുരക്ഷിതമായി സൂക്ഷിക്കുന്നതിനായി 50GB സൗജന്യ ക്ലൗഡ് സ്റ്റോറേജ് നൽകുന്ന 'ജിയോഎഐക്ലൗഡ്' (JioAICloud) സേവനവും ഇതിൽ ഉൾപ്പെടുത്തിയിട്ടുണ്ട്.ടെലികോം വിപണിയിൽ ദീർഘകാലാടിസ്ഥാനത്തിൽ സാമ്പത്തിക ലാഭം ആഗ്രഹിക്കുന്ന ഉപഭോക്താക്കൾക്ക് ഏറെ ഗുണകരമാകുന്നതാണ് ജിയോയുടെ ഈ പുതിയ നീക്കം. ഒറ്റത്തവണത്തെ ചെറിയ നിക്ഷേപത്തിലൂടെ വർഷങ്ങളോളം തടസ്സമില്ലാത്ത സേവനം ഉറപ്പാക്കാൻ സാധിക്കുന്നത് സാധാരണക്കാർക്കും പ്രൊഫഷണലുകൾക്കും ഒരുപോലെ ആശ്വാസകരമാകും.