ഇതാണ് എ വി ടി നാച്ചുറല് പ്രോഡക്ട്സ് ലിമിറ്റഡ്
നീലമാലി അഗ്രോ ഇന്ഡസ്ട്രീസിന്റെ അനുബന്ധ സ്ഥാപനമായാണ് പ്രവര്ത്തനം ആരംഭിച്ചത് .
എ വി തോമസ് ഗ്രൂപ്പിന്റെ ഭാഗമാണ് എ വി ടി നാച്ചുറല്. പ്ലാന്റേഷനുകള്, സുഗന്ധവ്യഞ്ജനങ്ങള്, പ്രകൃതി ചേരുവകള്, ഉപഭോക്തൃ ഉല്പ്പന്നങ്ങള്,...
എ വി തോമസ് ഗ്രൂപ്പിന്റെ ഭാഗമാണ് എ വി ടി നാച്ചുറല്. പ്ലാന്റേഷനുകള്, സുഗന്ധവ്യഞ്ജനങ്ങള്, പ്രകൃതി ചേരുവകള്, ഉപഭോക്തൃ ഉല്പ്പന്നങ്ങള്, തുകല് ഉല്പ്പന്നങ്ങള്, മെഡിക്കല് ഉപകരണങ്ങള് എന്നീ മേഖലകളില് പ്രവര്ത്തിക്കുന്ന വൈവിധ്യമാര്ന്ന, കുടുംബ ഉടമസ്ഥതയിലുള്ള കമ്പനികളുടെ ഗ്രൂപ്പാണിത്.
എ വി തോമസ് ഗ്രൂപ്പ് 1986 ലാണ് എ വി ടി നാച്ചുറല് പ്രോഡക്ട്സ് സ്ഥാപിച്ചത്. സോയാബീനും എണ്ണക്കുരുവും സംസ്കരിക്കുന്നതിനും ഓയില് കേക്കുകള് ഉല്പ്പാദിപ്പിക്കുന്നതിനുമായി മധ്യപ്രദേശില് ഒരു സോള്വെന്റ് എക്സ്ട്രാക്ഷന് പ്ലാന്റ് ആണ് ആദ്യം സ്ഥാപിച്ചത്. നീലമാലി അഗ്രോ ഇന്ഡസ്ട്രീസിന്റെ അനുബന്ധ സ്ഥാപനമായാണ് പ്രവര്ത്തനം ആരംഭിച്ചത്.
1994-95 ല് കമ്പനി കര്ണാടകയില് വെളിച്ചെണ്ണയും കേരളത്തില് സൂര്യകാന്തി എണ്ണയും പുറത്തിറക്കി. കമ്പനിയുടെ ഒലിയോറെസിന് പ്ലാന്റ് വ്യാവസായിക ഉല്പ്പാദനം 94 ല് ആരംഭിച്ചു. ഒലിയോറെസിന് പ്ലാന്റില് വേര്തിരിച്ചെടുക്കുന്നതിനായി ജമന്തികള് വളര്ത്തുന്നതിന് വിപുലമായ കാര്ഷിക വിപുലീകരണ സൗകര്യവും സ്ഥാപിച്ചു. തേയില കയറ്റുമതിയും കമ്പനി നടത്തുന്നുണ്ട്.
2011 മാര്ച്ച് 31 വരെ കമ്പനി മൂന്ന് ഉല്പ്പന്ന വിഭാഗങ്ങളിലാണ് പ്രവര്ത്തിച്ചിരുന്നത്. അതില് ഫുഡ് കളറിംഗിനും ഫ്ലേവറിനുമുള്ള മസാല എണ്ണകളും ഒലിയോറെസിനും ഉള്പ്പെടുന്നു. പൗള്ട്രി പിഗ്മെന്റേഷനുള്ള ജമന്തി എക്സ്ട്രാക്റ്റുകള്, ഫുഡ് കളറിംഗ് ഉത്പന്നങ്ങള്, മൂല്യവര്ദ്ധിത പാനീയങ്ങള് എന്നിവയും പുറത്തിറക്കുന്നുണ്ട്.
നേത്ര സംരക്ഷണത്തിനും ഫുഡ് കളറിങ്ങിനുമുള്ള ജമന്തി എക്സ്ട്രാക്ട്സ് ഇന്ത്യയിലാണ് നിര്മ്മിക്കുന്നത്, പൗള്ട്രി പിഗ്മെന്റേഷന് ഉല്പ്പന്നം നിര്മ്മിക്കുന്നത് അതിന്റെ ചൈനയുടെ അനുബന്ധ സ്ഥാപനമായ ഹീലോംഗ്ജിയാങ് എവിടി ബയോ-പ്രൊഡക്ട്സ് ലിമിറ്റഡിലാണ്. തമിഴ്നാട്ടിലെ ഈറോഡ് ജില്ലയിലെ ധാരാപുരം താലൂക്കിലെ കൊക്കംപാളയം വില്ലേജില് കമ്പനി 600 കിലോവാട്ട് വിന്ഡ് ടര്ബൈന് ജനറേറ്റര് സ്ഥാപിച്ചിട്ടുണ്ട്.