അദാനി കമ്പനികളിൽ എൽ ഐ സി യുടെ നിക്ഷേപം 36478 കോടി

അദാനിയുടെ കമ്പനികളുടെ ഓഹരികളിലും. കടപ്പത്രങ്ങളിലും 36474 .78 കോടി നിക്ഷേപം മാത്രമേ ഉള്ളുവെന്ന് ലൈഫ് ഇൻഷുറൻസ് കോർപറേഷൻ.ഇത് കോർപറേഷന്റെ ആകെ നിക്ഷേപത്തിന്റെ ഒരു ശതമാനത്തിൽ കുറവാണെന്നു എൽ ഐ സി പറയുന്നു.

അദാനി ഗ്രൂപ്പിനെതിരെ അമേരിക്കൻ ഷോർട് സെല്ലിങ് സ്ഥാപനമായ ഹിൻഡൻബുര്ഗിന്റെ വെളിപ്പെടുത്തലിനെ തുടർന്ന് അദാനി കമ്പനികളുടെ ഓഹരികൾ വിപണിയിൽ തകർച്ച നേരിടുന്ന പശ്ചാത്തലത്തിലാണ് എൽ ഐ സി ഈ പ്രസ്താവനയുമായി രംഗത്ത് വന്നത്.

വർഷങ്ങൾക്കു മുമ്പ് 30127 കോടിക്കാണ് അദാനി കമ്പനികളുടെ ഓഹരികളും , കടപ്പത്രങ്ങളും വാങ്ങിയത്, ജനുവരി 27 നു അവയുടെ വിപണി മൂല്യം 56142 കോടി രൂപയാണെന്നു എൽ ഐ സി ഒരു പ്രസ്താവനയിൽ പറഞ്ഞു.