സുഗന്ധവ്യഞ്ജന ഗുണനിലവാര മാനദണ്ഡങ്ങള്ക്കായി ഇന്ത്യ
- ജലത്തിന്റെ സുരക്ഷിതമായ ഉപയോഗത്തിനും പുനരുപയോഗത്തിനും ഇന്ത്യന് പിന്തുണ
- സസ്യ എണ്ണകളുടെ നിര്മ്മാണത്തിലും മാനദണ്ഡങ്ങള് വേണം
- ഭക്ഷ്യ പാക്കേജിംഗില് റീസൈക്കിള് ചെയ്ത വസ്തുക്കളുടെ ഉപയോഗവും ചര്ച്ചയായി
സുഗന്ധവ്യഞ്ജനങ്ങളുടെ ഗുണനിലവാരം ശക്തിപ്പെടുത്തണമെന്ന് ഇന്ത്യ. റോമില് നടക്കുന്ന കോഡെക്സ് അലിമെന്റേറിയസ് കമ്മീഷന്റെ ആഗോള മീറ്റിംഗിലാണ് ഇന്ത്യ ഈ ആവശ്യത്തെ പിന്തുണച്ചത്. തിരഞ്ഞെടുക്കപ്പെട്ട അംഗമെന്ന നിലയില്, കോഡെക്സ് അലിമെന്റേറിയസ് കമ്മീഷന്റെ (സിഎസി) എക്സിക്യൂട്ടീവ് കമ്മിറ്റിയുടെ 86-ാമത് സെഷനില് ഇന്ത്യ പങ്കെടുക്കുന്നുണ്ട്.
ജൂലൈ 1 മുതല് 5 വരെ റോമിലെ ഫുഡ് ആന്ഡ് അഗ്രികള്ച്ചര് ഓര്ഗനൈസേഷന് (എഫ്എഒ) ആസ്ഥാനത്ത് നടക്കുന്ന സെഷനില് ഇന്ത്യയെ പ്രതിനിധീകരിച്ച് ഫുഡ് സേഫ്റ്റി ആന്ഡ് സ്റ്റാന്ഡേര്ഡ് അതോറിറ്റി ഓഫ് ഇന്ത്യയുടെ (എഫ്എസ്എസ്എഐ) സിഇഒ ജി കമല വര്ധന റാവു പങ്കെടുക്കുന്നു.
എഫ്എഒയും ലോകാരോഗ്യ സംഘടനയും (ഡബ്ല്യുഎച്ച്ഒ) സ്ഥാപിച്ച ഒരു അന്താരാഷ്ട്ര സ്ഥാപനമായ സിഎസി ഉപഭോക്തൃ ആരോഗ്യം സംരക്ഷിക്കാനും ഭക്ഷ്യ വ്യാപാരത്തില് ന്യായമായ രീതികള് പ്രോത്സാഹിപ്പിക്കാനും ലക്ഷ്യമിടുന്നു. പുതിയ ജോലികള്ക്കായുള്ള നിര്ദ്ദേശങ്ങള് അവലോകനം ചെയ്യുന്നതിലും സ്റ്റാന്ഡേര്ഡ് വികസനത്തിന്റെ പുരോഗതി നിരീക്ഷിക്കുന്നതിലും എക്സിക്യൂട്ടീവ് കമ്മിറ്റി നിര്ണായക പങ്ക് വഹിക്കുന്നു.
ഏലം, മഞ്ഞള്, വാനില എന്നിവയുള്പ്പെടെ വിവിധ സുഗന്ധവ്യഞ്ജനങ്ങളുടെ നിലവാര 'വികസനത്തിന്റെ പുരോഗതിയെ സെഷനില് ഇന്ത്യ ശക്തമായി പിന്തുണച്ചു. സുഗന്ധവ്യഞ്ജനങ്ങളുടെ പ്രധാന നിര്മ്മാതാവും കയറ്റുമതിക്കാരും ആയ ഇന്ത്യയെ സംബന്ധിച്ചിടത്തോളം ഈ സംരംഭം വളരെ പ്രധാനമാണ്,' പ്രസ്താവനയില് പറഞ്ഞു.
സസ്യ എണ്ണകളുടെ മാനദണ്ഡങ്ങള്, ഷിഗ ടോക്സിന് ഉല്പ്പാദിപ്പിക്കുന്ന എസ്ഷെറിച്ചിയ കോളിയുടെ നിയന്ത്രണത്തിനുള്ള മാര്ഗ്ഗനിര്ദ്ദേശങ്ങള്, ഭക്ഷ്യ ഉല്പ്പാദനത്തിലും സംസ്കരണത്തിലും ജലത്തിന്റെ സുരക്ഷിതമായ ഉപയോഗത്തിനും പുനരുപയോഗത്തിനും ഇന്ത്യ പിന്തുണ നല്കി.
കൂടാതെ, ഭക്ഷ്യ പാക്കേജിംഗില് റീസൈക്കിള് ചെയ്ത വസ്തുക്കളുടെ ഉപയോഗവുമായി ബന്ധപ്പെട്ട ഭക്ഷ്യ സുരക്ഷാ പരിഗണനകളില് കോഡെക്സ് മാര്ഗ്ഗനിര്ദ്ദേശം വികസിപ്പിക്കുന്നതിനുള്ള നിര്ദ്ദേശവും ഇന്ത്യ ഉയര്ത്തി. കാലാവസ്ഥാ വ്യതിയാനം, പരിസ്ഥിതി സംരക്ഷണം, സുസ്ഥിരത തുടങ്ങിയ ആഗോള വെല്ലുവിളികളെ അഭിമുഖീകരിക്കുന്നതില് ഈ സംരംഭം നിര്ണായകമാണ്.ഫുഡ് കോണ്ടാക്റ്റ് ആപ്ലിക്കേഷനുകള്ക്കായി പോസ്റ്റ്-കണ്സ്യൂമര് പിഇടി പുനരുപയോഗം ചെയ്യുന്നതിനെക്കുറിച്ച് എഫ്എസ്എസ്എഐ വികസിപ്പിച്ച മാര്ഗ്ഗനിര്ദ്ദേശങ്ങളുമായി ഇന്ത്യ അതിന്റെ അനുഭവം പങ്കിട്ടു.