ഫെഡറല്‍ ബാങ്ക് കുതിക്കുന്നു, അറ്റാദായത്തില്‍ വാര്‍ഷിക വര്‍ധന 53 ശതമാനം

സെപ്റ്റംബര്‍ പാദത്തില്‍, ഫെഡറല്‍ ബാങ്കിന്റെ അറ്റാദായം വാര്‍ഷികാടിസ്ഥാനത്തില്‍ 53 ശതമാനം വര്‍ധിച്ചു 704 കോടി രൂപയായി. കഴിഞ്ഞ വര്‍ഷം ഇതേ കാലയളവില്‍ 460 കോടി രൂപയായിരുന്നു.

 

അറ്റ പലിശ വരുമാനം വാര്‍ഷികാടിസ്ഥാനത്തില്‍ 19 ശതമാനം വര്‍ധിച്ചു 1,761.83 കോടി രൂപയായി. ഓഹരി ഇന്ന് എന്‍ എസ് ഇയില്‍ 4.6 ശതമാനം ഉയര്‍ന്നു 130.75 രൂപയിലാണ് വ്യാപാരം അവസാനിപ്പിച്ചത്. ഈ വര്‍ഷം ഓഹരി വില 50 ശതമാനത്തിനടുത്ത് ഉയര്‍ന്നു.

ബാങ്കിന്റെ നിഷ്‌ക്രിയ ആസ്തി 2.46 ശതമാനമായി. ഇതിനു തൊട്ടു മുന്‍പുള്ള പാദത്തില്‍ ഇത് 2.69 ശതമാനമായിരുന്നു. അറ്റ നിഷ്‌ക്രിയ ആസ്തി 1,262.35 കോടി രൂപയായി. മൊത്ത വായ്പ 19.4 ശതമാനം വര്‍ധിച്ച് 1.64 ലക്ഷം കോടി രൂപയായി.