തുകല് വ്യവസായം; വരുമാനം ഇടിയുമെന്ന് ക്രിസില്
ലെതര് കമ്പനികളുടെ പ്രധാന കയറ്റുമതി വിപണികളിലൊന്നാണ് യുഎസ്
യുഎസ് താരിഫ് കാരണം ഈ സാമ്പത്തിക വര്ഷം ഇന്ത്യന് തുകല്, അനുബന്ധ ഉല്പ്പന്ന കമ്പനികളുടെ വരുമാനം 10-12 ശതമാനം കുറയുമെന്ന് ക്രിസില് റേറ്റിംഗിന്റെ റിപ്പോര്ട്ട്. ആഭ്യന്തര ലെതര് കമ്പനികളുടെ ഒരു പ്രധാന വിപണിയാണ് യുഎസ്.
ജിഎസ്ടിയില് കുറവ് വരുത്തിയതിനെത്തുടര്ന്ന് ആഭ്യന്തര ഡിമാന്ഡില് പുരോഗതി ഉണ്ടായിട്ടുണ്ടെങ്കിലും കയറ്റുമതി കണക്കിലെടുക്കുമ്പോള് കമ്പനികള്ക്ക് ഇടിവ് അനുഭവപ്പെടും. കുറഞ്ഞ വരുമാന നികുതി, അനുകൂലമായ പണപ്പെരുപ്പം, കുറഞ്ഞ പലിശനിരക്ക് തുടങ്ങിയ മറ്റ് അനുകൂല മാക്രോ-സാമ്പത്തിക ഘടകങ്ങളും ഇതില് ഉള്പ്പെടുന്നു.
2025 സാമ്പത്തിക വര്ഷത്തില് തുകല്, അനുബന്ധ ഉല്പ്പന്ന വ്യവസായം ഏകദേശം 56,000 കോടി രൂപയുടെ വരുമാനം നേടിയതായി കണക്കാക്കപ്പെടുന്നു. വരുമാനത്തിന്റെ 70 ശതമാനവും കയറ്റുമതിയില് നിന്നാണെന്നും റിപ്പോര്ട്ടില് പറയുന്നു.
കയറ്റുമതിയുടെ വലിയൊരു പങ്കും യൂറോപ്യന് യൂണിയനിലേക്കും (50 ശതമാനത്തിലധികം) യുഎസിലേക്കും (ഏകദേശം 22 ശതമാനം) ആയിരുന്നുവെന്ന് അത് കൂട്ടിച്ചേര്ത്തു.
ഓഗസ്റ്റ് ആദ്യ വാരത്തില് 25 ശതമാനം പരസ്പര താരിഫ് പ്രാബല്യത്തില് വന്നതോടെ യുഎസ് കയറ്റുമതി ആവശ്യകതയില് മാന്ദ്യത്തിന്റെ ലക്ഷണങ്ങള് ദൃശ്യമായിരുന്നു.
ഓഗസ്റ്റ് 27 മുതല് പ്രാബല്യത്തില് വരുന്ന 25 ശതമാനം അധിക താരിഫ്, മറ്റ് പ്രധാന കയറ്റുമതി രാജ്യങ്ങളായ കംബോഡിയ, ഇറ്റലി, വിയറ്റ്നാം, ഫ്രാന്സ് എന്നിവയുമായി താരതമ്യപ്പെടുത്തുമ്പോള് ഇന്ത്യയെ കൂടുതല് പ്രതികൂല സാഹചര്യത്തിലാക്കി.
യുഎസില് നിന്നുള്ള ഓര്ഡറുകള് നഷ്ടപ്പെടുന്നതോടെ ഈ സാമ്പത്തിക വര്ഷം കയറ്റുമതി അളവില് 13-14 ശതമാനം കുറവുണ്ടാകുമെന്ന് ക്രിസില് റേറ്റിംഗിലെ ഡയറക്ടര് ജയശ്രീ നന്ദകുമാര് പറഞ്ഞു.