സ്വര്‍ണം മങ്ങലിലേക്കോ? ഇന്നും 120 രൂപ ഇടിവ്

കൊച്ചി: സംസ്ഥാനത്ത് സ്വര്‍ണവിലയില്‍ ഇടിവ്. ഇന്ന് പവന് 120 രൂപ കുറഞ്ഞ് 41,040 രൂപയായി. ഗ്രാമിന് 5,130 രൂപയാണ് വിപണി വില (22 കാരറ്റ്). കഴിഞ്ഞ ദിവസം പവന് 120 രൂപ കുറഞ്ഞ് 41,160 രൂപയായിരുന്നു. ഇന്ന് 24 കാരറ്റ് സ്വര്‍ണം പവന് 136 രൂപ കുറഞ്ഞ് 44,768 രൂപയായി. ഗ്രാമിന് 17 രൂപ കുറഞ്ഞ് 5,596 രൂപയായിട്ടുണ്ട്. ഇന്ന് വെള്ളിവില 30 പൈസ വര്‍ധിച്ച് 74 രൂപയായി. എട്ട് ഗ്രാമിന് 2.40 രൂപ വര്‍ധിച്ച് 592 രൂപയായിട്ടുണ്ട്.

ഇന്ന് ആദ്യഘട്ട വ്യാപാരത്തില്‍ യുഎസ് ഡോളറുമായുള്ള വിനിമയത്തില്‍ രൂപയുടെ മൂല്യം 13 പൈസ ഉയര്‍ന്ന് 81.61ല്‍ എത്തി. ഇന്റര്‍ബാങ്ക് ഫോറിന്‍ എക്‌സ്‌ചേഞ്ചില്‍ വ്യാപാരം ആരംഭിച്ചപ്പോള്‍ ഡോളറിനെതിരെ 81.73 എന്ന നിലയിലായിരുന്നു രൂപ. വൈകാതെ മൂല്യം 81.61 ആയി ഉയര്‍ന്നു. ഇന്ന് ബ്രെന്റ് ക്രൂഡ് വില ബാരലിന് 0.86 ശതമാനം കുറഞ്ഞ് 79.41 ഡോളറായി.

ആഭ്യന്തര ഓഹരി വിപണിയില്‍ ബിഎസ്ഇ സെന്‍സെക്സ് 76.13 പോയിന്റ് അഥവാ 0.13 ശതമാനം താഴ്ന്ന് 60,039.35 എന്ന നിലയിലാണ് വ്യാപാരം നടക്കുന്നത്. എന്‍എസ്ഇ നിഫ്റ്റി 21.90 പോയിന്റ് അഥവാ 0.12 ശതമാനം ഇടിഞ്ഞ് 17,892.25 ല്‍ എത്തി.