സ്വർണ വിലയിൽ വർധന; പവന് 560 രൂപ കൂടി

കുറഞ്ഞ നിരക്കിൽ നിന്ന്  സ്വർണ വിലയിൽ വർധന.  പവന് 89160 രൂപയായി വില ഉയർന്നു. ഗ്രാമിന് 11145 രൂപയാണ് വില. 560 രൂപയുടേതാണ് വർധന. ഇന്നലെ ഒരു പവൻ സ്വർണത്തിന് 88600 രൂപയായിരുന്നു വില. രാജ്യാന്തര വിപണിയിൽ ട്രോയ് ഔൺസിന് 3963 രൂപയായി വില ഇടിഞ്ഞു.

ഈ മാസം ഏറ്റവും ഉയർന്ന നിരക്കിലേക്ക് വില ഉയർന്ന ശേഷമാണ് സ്വർണ  വില കുറഞ്ഞത്. സംസ്ഥാനത്ത് പവന് 97360 രൂപ വരെ വില ഉയർന്നിരുന്നു. ഗ്രാമിന് 12170 രൂപയാണ് ഈ മാസം രേഖപ്പെടുത്തിയ ഉയർന്ന നിരക്ക്. രാജ്യാന്തര വിപണിയിലെ വില വർധനനയും കയറ്റിറക്കങ്ങളുമാണ് സംസ്ഥാനത്തും പ്രതിഫലിച്ചത്.

യുഎസ് തീരുവകൾ, വ്യാപാര കരാറുകൾ എന്നിവയെല്ലാം ആഗോള ഓഹരി വിപണികളെയും താൽക്കാലികമായി ബാധിച്ചിരുന്നു. ഡോളർ ദുർബലമായതും സ്വർണം തിളങ്ങാൻ കാരണമായി. എന്നാൽ പിന്നീട് ഏറ്റവും ഉയർന്ന നിലയിൽ നിന്ന്  സ്വർണ വില കുറയുകയായിരുന്നു.