സ്വര്‍ണവില വീണ്ടുമിടിഞ്ഞു; ഇന്ന് രണ്ടുതവണയായി കുറഞ്ഞത് 1720 രൂപ

സംസ്ഥാനത്ത് ഉച്ചക്കുശേഷം സ്വര്‍ണവില വീണ്ടും കുറഞ്ഞു. ഗ്രാമിന് 110 രൂപയും പവന് 880 രൂപയുമാണ് കുറഞ്ഞത്. ഇതോടെ പവന് വില 90,400 രൂപ എന്ന നിലയിലേക്ക് താഴ്ന്നു. സ്വര്‍ണം ഗ്രാമിന് 11,300 രൂപയാണ് വില.

രാവിലെ സ്വര്‍ണം ഗ്രാമിന് 105 രൂപയും പവന് 840 രൂപയുമാണ് കുറഞ്ഞിരുന്നത്. 18 കാരറ്റ് സ്വര്‍ണത്തിന് ഗ്രാമിന് 90 രൂപ താഴ്ന്ന് 9295 രൂപയിലാണ് വ്യാപാരം. അതേസമയം വെള്ളിവിലയില്‍ മാറ്റമില്ല. ഗ്രാമിന് 160 രൂപയായി തുടരുന്നു.

കഴിഞ്ഞ ദിവസം അന്താരാഷ്ട്ര സ്വര്‍ണവിപണിയില്‍ ഉണ്ടായ ലാഭമെടുപ്പും ഡോളര്‍ ശക്തിപ്പെട്ടതുമാണ് സ്വര്‍ണവില കുറയാന്‍ കാരണമായത്. ചൈന-യുഎസ് വ്യാപാര യുദ്ധം ഒരു കരാറിലേക്ക് നീങ്ങുന്നു എന്ന സൂചനകളും പുറത്തുവന്നിട്ടുണ്ട്.

കുറച്ചുകാലത്തേക്ക് സ്വര്‍ണവിപണിയില്‍ ചാഞ്ചാട്ടമുണ്ടാകുമെന്ന വിലയിരുത്തലുകളാണ് വിദഗ്ധര്‍ക്കുള്ളത്.