സ്വർണ വിലയിൽ വീണ്ടും കുതിപ്പ്; ഈ മാസത്തെ ഉയർന്ന നിരക്കിൽ

സംസ്ഥാനത്ത് സ്വർണ വില വീണ്ടും കുതിക്കുന്നു. ഒരു പവൻ സ്വർണത്തിന് 92600 രൂപയാണ് വില. ഗ്രാമിന് 11575 രൂപയും. രാജ്യാന്തര വിപണിയിൽ ട്രോയ് ഔൺസിന് 4137 ഡോളറിലാണ് സ്വർണ വില. കഴിഞ്ഞ മാസം സ്വർണ വില റെക്കോഡുകൾ ഭേദിച്ച ശേഷം വില ഇടിഞ്ഞു തുടങ്ങിയിരുന്നു. എന്നാൽ ഇപ്പോൾ വീണ്ടും വില കുതിക്കുകയാണ്. യുഎസ് ഗവൺമൻ്റ് ഷട്ട്ഡൌൺ ഉൾപ്പെടെയുള്ള അനിശ്ചിതത്വങ്ങൾ സ്വർണത്തിന് വീണ്ടും തിളക്കം നൽകുന്നു.

സുരക്ഷിത നിക്ഷേപ ആസ്തിയായി സ്വർണ്ണത്തെ കണ്ട് വീണ്ടും നിക്ഷേപകർ തിരിയാനുള്ള സാഹചര്യങ്ങൾ, വിപണിയിലെ അനിശ്ചിതത്വം, പണപ്പെരുപ്പം എന്നിവയൊക്കെ സ്വർണ്ണ വിലയ്ക്ക് വീണ്ടും തിളക്കം നൽകാം. യുഎസ് ഡോളർ ദുർബലമാകുന്നതും സ്വർണത്തിന് നേട്ടമാകും.യുഎസിലെ രാഷ്ട്രീയ സംഘർഷങ്ങളും സാമ്പത്തിക അസ്ഥിരതയും നിക്ഷേപകർ സുരക്ഷിതമായ ആസ്തികളിലേക്ക് തിരിയാൻ കാരണമാകും. ഇത് സ്വർണ്ണത്തിനായുള്ള ആവശ്യം വർധിപ്പിക്കും.