എല്‍ഐസി ഹൗസിംഗ് ഫിനാന്‍സ് അറ്റാദായം ഉയര്‍ന്നു

എല്‍ഐസി ഹൗസിംഗ് ഫിനാന്‍സ് സെപ്റ്റംബര്‍ പാദത്തില്‍ അറ്റാദായം രണ്ട് ശതമാനം നേരിയ വര്‍ധനവോടെ 1,354 കോടി രൂപയായി. ലൈഫ് ഇന്‍ഷുറന്‍സ് ഭീമനായ എല്‍ഐസി പ്രൊമോട്ട് ചെയ്യുന്ന കമ്പനി കഴിഞ്ഞ വര്‍ഷം ഇതേ കാലയളവില്‍ 1,329 കോടി രൂപയുടെ അറ്റാദായം നേടിയിരുന്നു.

ഈ പാദത്തില്‍ മോര്‍ട്ട്‌ഗേജ് സ്ഥാപനത്തിന്റെ മൊത്തം വരുമാനം മുന്‍ വര്‍ഷം ഇതേ കാലയളവിലെ 6,932 കോടി രൂപയില്‍ നിന്ന് 7,170 കോടി രൂപയായി ഉയര്‍ന്നതായി എല്‍ഐസി ഹൗസിംഗ് ഫിനാന്‍സ് ഒരു റെഗുലേറ്ററി ഫയലിംഗില്‍ പറഞ്ഞു.

പലിശ വരുമാനം കഴിഞ്ഞ വര്‍ഷം ഇതേ പാദത്തില്‍ 6,853 കോടി രൂപയായിരുന്നു, ഇത് 7,034 കോടി രൂപയായി മെച്ചപ്പെട്ടു. ഈ പാദത്തിലെ മൊത്തം ചെലവ് കഴിഞ്ഞ സാമ്പത്തിക വര്‍ഷം ഇതേ കാലയളവിലെ 5,267 കോടി രൂപയില്‍ നിന്ന് 5,465 കോടി രൂപയായി വര്‍ദ്ധിച്ചു.

ആസ്തി ഗുണനിലവാരത്തിന്റെ കാര്യത്തില്‍, ഈവര്‍ഷം സെപ്റ്റംബര്‍ അവസാനത്തോടെ കമ്പനിക്ക് മൊത്ത നിഷ്‌ക്രിയ ആസ്തികള്‍ ഒരു വര്‍ഷം മുമ്പുള്ള 3.05 ശതമാനത്തില്‍ നിന്ന് 2.51 ശതമാനമായി കുറയ്ക്കാന്‍ കഴിഞ്ഞു.

അതുപോലെ, അറ്റ നിഷ്‌ക്രിയ ആസ്തികള്‍ അഥവാ മോശം വായ്പകള്‍ കഴിഞ്ഞ സാമ്പത്തിക വര്‍ഷത്തിന്റെ രണ്ടാം പാദത്തിന്റെ അവസാനത്തില്‍ 1.57 ശതമാനത്തില്‍ നിന്ന് 1.19 ശതമാനമായി കുറഞ്ഞു.

റെസിഡന്‍ഷ്യല്‍ വീടുകള്‍ വാങ്ങുന്നതിനോ നിര്‍മ്മിക്കുന്നതിനോ വായ്പ നല്‍കുക എന്നതാണ് കമ്പനിയുടെ പ്രധാന ബിസിനസ്സ്.

സംയോജിത അടിസ്ഥാനത്തില്‍, കമ്പനിയുടെ അറ്റാദായം 1.5 ശതമാനം ഉയര്‍ന്ന് 1,349 കോടി രൂപയായി. രണ്ടാം പാദത്തില്‍ ഇത് 1,328 കോടി രൂപയായിരുന്നു.