അഗ്നിവീറുകള്‍ക്കായി പ്രത്യേക വായ്പാ പദ്ധതിയുമായി എസ്ബിഐ

സ്വാതന്ത്ര്യദിനത്തോടനുബന്ധിച്ച്, അഗ്‌നിവീറുകള്‍ക്കായി പ്രത്യേക വ്യക്തിഗത വായ്പ പദ്ധതി ആരംഭിക്കുന്നതായി സ്റ്റേറ്റ് ബാങ്ക് ഓഫ് ഇന്ത്യ പ്രഖ്യാപിച്ചു. ഈ വായ്പാ പദ്ധതി പ്രകാരം, എസ്ബിഐയില്‍ സാലറി അക്കൗണ്ടുള്ള അഗ്‌നിവീര്‍മാര്‍ക്ക് യാതൊരു കൊളാറ്ററല്‍ ഇല്ലാതെയും പ്രോസസ്സിംഗ് ഫീസ് പൂര്‍ണ്ണമായും ഒഴിവാക്കിയും 4 ലക്ഷം രൂപ വരെ വായ്പ ലഭിക്കും, ബാങ്ക് പ്രസ്താവനയില്‍ പറഞ്ഞു.

തിരിച്ചടവ് കാലാവധി അഗ്‌നിപഥ് പദ്ധതിയുടെ കാലാവധിയുമായി പൊരുത്തപ്പെടുമെന്നും, സിവിലിയന്‍ ജീവിതത്തില്‍ നിന്ന് മാറുന്ന നമ്മുടെ രാജ്യത്തിന്റെ ധീരഹൃദയര്‍ക്ക് പരമാവധി സൗകര്യം പ്രദാനം ചെയ്യുമെന്നും അതില്‍ പറയുന്നു.

ഇതിനുപുറമെ, 2025 സെപ്റ്റംബര്‍ 30 വരെ എല്ലാ പ്രതിരോധ ഉദ്യോഗസ്ഥര്‍ക്കും ബാങ്ക് ഏറ്റവും കുറഞ്ഞ പലിശ നിരക്കായ 10.50 ശതമാനം ഫ്‌ലാറ്റ് വാഗ്ദാനം ചെയ്യുന്നുണ്ടെന്ന് പ്രസ്താവന തുടരുന്നു.

പൂജ്യം പ്രോസസ്സിംഗ് ഫീസില്‍ ആരംഭിച്ച് ആനുകൂല്യങ്ങളുള്ള ഒരു പ്രത്യേക സാമ്പത്തിക ഉല്‍പ്പന്നം വാഗ്ദാനം ചെയ്യുന്നതിലൂടെ എസ്ബിഐ പ്രതിരോധ ഉദ്യോഗസ്ഥരോടുള്ള മതിപ്പ് പ്രകടിപ്പിക്കുകയാണ്.

എസ്ബിഐ പ്രതിരോധ ഉദ്യോഗസ്ഥര്‍ക്കുള്ള പിന്തുണ വിപുലീകരിക്കുകയാണ്. നിലവിലുള്ള പ്രതിരോധ ശമ്പള പാക്കേജ് അടിസ്ഥാനമാക്കി, അഗ്‌നിവീറുകളെ അതിന്റെ ശ്രമങ്ങളില്‍ ഉള്‍പ്പെടുത്തുകയുമാണ്.