ഇന്ത്യയും ജര്മ്മനിയും വ്യാപാരവും നിക്ഷേപവും വര്ദ്ധിപ്പിക്കും
സാങ്കേതികവിദ്യ, ഹരിത ഊര്ജ്ജം, വൈദഗ്ദ്ധ്യം തുടങ്ങിയ മേഖലകളിലും സഹകരണം ഉറപ്പാക്കാന് ചര്ച്ച
വ്യാപാരം, നിക്ഷേപം, സാങ്കേതികവിദ്യ, ഹരിത ഊര്ജ്ജം, വൈദഗ്ദ്ധ്യം തുടങ്ങിയ മേഖലകളില് സഹകരണം വര്ദ്ധിപ്പിക്കാന് ഇന്ത്യയും ജര്മ്മനിയും.
ബെര്ലിനില് വാണിജ്യ വ്യവസായ മന്ത്രി പീയൂഷ് ഗോയലും ജര്മ്മന് ഫെഡറല് സാമ്പത്തിക, ഊര്ജ്ജ മന്ത്രി കാതറീന റീച്ചും തമ്മില് നടന്ന കൂടിക്കാഴ്ചയിലാണ് ഈ വിഷയങ്ങള് ചര്ച്ച ചെയ്തത്.
വ്യാപാരം, നിക്ഷേപം, സാങ്കേതികവിദ്യ, ഹരിത ഊര്ജ്ജം, വൈദഗ്ധ്യം എന്നീ മേഖലകളിലെ സഹകരണം വര്ദ്ധിപ്പിക്കുന്നതിലാണ് ചര്ച്ചകള് ശ്രദ്ധ കേന്ദ്രീകരിച്ചതെന്ന് വാണിജ്യ മന്ത്രാലയം അറിയിച്ചു.
ഫെഡറല് ചാന്സലറിയിലെ സാമ്പത്തിക, സാമ്പത്തിക നയ ഉപദേഷ്ടാവ് ലെവിന് ഹോളുമായും ജര്മ്മനിയുടെ ജി7, ജി20 ഷെര്പ്പയുമായും ഗോയല് കൂടിക്കാഴ്ച നടത്തി. ഉഭയകക്ഷി സാമ്പത്തിക ബന്ധം കൂടുതല് ആഴത്തിലാക്കാനുള്ള വഴികള് ചര്ച്ചയായി.
ഇന്ത്യന് എംബസിയില് ജര്മ്മന് മിറ്റല്സ്റ്റാന്ഡ് കമ്പനികളുടെ സിഇഒമാരും നേതാക്കളുമായി നടത്തിയ ഒരു വട്ടമേശ സമ്മേളനത്തില് മന്ത്രി അധ്യക്ഷത വഹിച്ചു. ഇന്ത്യയില് ബിസിനസ്സ് നടത്താനും നിലവിലുള്ള നിക്ഷേപങ്ങള് വികസിപ്പിക്കാനുമുള്ള അവരുടെ താല്പ്പര്യം അവര് അറിയിച്ചു.
ഇന്ത്യ വാഗ്ദാനം ചെയ്യുന്ന അവസരങ്ങളും നിക്ഷേപങ്ങള് സുഗമമാക്കുന്നതിനും ബിസിനസ് ചെയ്യുന്നത് എളുപ്പമാക്കുന്നതിനും രാജ്യം സ്വീകരിച്ച നടപടികളും മന്ത്രി എടുത്തുപറഞ്ഞു.