ഗൂഗിള് ക്രോം ഉപയോഗം; ഉടന് അപ്ഡേറ്റ് ചെയ്യുക
ഈ മാസം ഇത് രണ്ടാം തവണയാണ് ക്രോമിന്റെ ഉപയോഗം സംബന്ധിച്ച മുന്നറിയിപ്പ് വരുന്നത്
ഗൂഗിളിന്റെ ക്രോം ബ്രൗസര് ഉപയോഗിക്കുന്നവര്ക്ക് വീണ്ടും സുരക്ഷാ മുന്നറിയിപ്പ് നല്കി ഇന്ത്യന് കമ്പ്യൂട്ടര് എമര്ജന്സി റെസ്പോണ്സ് ടീം. പഴയ ക്രോം വേര്ഷനുകള് ഉടന് അപ്ഡേറ്റ് ചെയ്യണമെന്ന് അധികൃതര് നിര്ദ്ദേശിച്ചു.
ക്രോമിലെ സുരക്ഷാ പിഴവ് സംബന്ധിച്ച് ഈ മാസം രണ്ടാം തവണയാണ് ഇന്ത്യന് കമ്പ്യൂട്ടര് എമര്ജന്സി റെസ്പോണ്സ് ടീം മുന്നറിയിപ്പ് നല്കുന്നത്. വിന്ഡോസ്, മാക്, ലിനക്സ് ഓപ്പറേറ്റിംഗ് സിസ്റ്റങ്ങളില് ക്രോം ഉപയോഗിക്കുന്നവര്ക്ക് ഈ മുന്നറിയിപ്പ് ബാധകമാണ്. അതീവ സുരക്ഷാ പ്രാധാന്യമുള്ള മുന്നറിയിപ്പാണ് ഇന്ത്യയിലെ ഗൂഗിള് ക്രോം ഉപയോക്താക്കള്ക്കായി സെര്ട്ട്-ഇന് പുറപ്പെടുവിച്ചിരിക്കുന്നത്.
ക്രോമിലെ സുരക്ഷാ പിഴവിലൂടെ ഹാക്കര്മാര്ക്ക് ഡിവൈസുകളിലേക്ക് കടന്നുകയറാനും വ്യക്തി വിവരങ്ങളടക്കം മോഷ്ടിക്കാനും കഴിയും. ഇന്ത്യയില് ക്രോം വിന്ഡോസിലും മാക്കിലും ലിനക്സിലും ഉപയോഗിക്കുന്ന ദശലക്ഷക്കണക്കിനാളുകള്ക്ക് സെര്ട്ട് -ഇനിന്റെ ഈ സുരക്ഷാ മുന്നറിയിപ്പ് ബാധകമാണ്.
ക്രോമിന്റെ ഏതൊക്കെ വേര്ഷനുകളാണ് അപകടാവസ്ഥയിലുള്ളത് എന്നും ഇന്ത്യന് കമ്പ്യൂട്ടര് എമര്ജന്സി റെസ്പോണ്സ് ടീം വ്യക്തമാക്കി.