ഫെഡറൽ ബാങ്കിന്റെ അറ്റാദയത്തിൽ 12 % വർദ്ധന; പലിശേതര വരുമാനം റെക്കോർഡ് ഉയരത്തിൽ

2025 മാർച്ചിൽ അവസാനിച്ച നാലാം പാദത്തിൽ ഫെഡറൽ ബാങ്കിന്റെ അറ്റാദായം 12.37 ശതമാനം ഉയർന്ന് 1,091 കോടി രൂപയായി. അറ്റാദായം മുൻ വർഷത്തെ 906 കോടി രൂപയിൽ നിന്ന് 1,030 കോടി രൂപയായി ഉയർന്നു.

അറ്റ ​​പലിശ വരുമാനം 8 ശതമാനം വർധിച്ച് 2,377 കോടി രൂപയായി. മുൻ പാദത്തിൽ ഇത് 2,431 കോടി രൂപയായിരുന്നു. പലിശേതര വരുമാനം മുൻ വർഷത്തെ അപേക്ഷിച്ച് 33 ശതമാനം വർധിച്ച് 1,006 കോടി രൂപയായി. ഈ വിഭാഗത്തിൽ ബാങ്ക് ഇതുവരെ നേടിയ ഏറ്റവും ഉയർന്ന നിരക്കാണിത്. കൂടാതെ ഈ പാദത്തിൽ അറ്റ ​​പലിശ മാർജിൻ 3.21 ശതമാനത്തിൽ നിന്ന് 3.12 ശതമാനമായി ചുരുങ്ങി.

നാലാം പാദത്തിൽ ബാങ്കിന്റെ ചെലവുകൾ 8 ശതമാനം വർദ്ധിച്ച് 1,918 കോടി രൂപയായി. മൊത്ത നിഷ്‌ക്രിയ ആസ്തി അനുപാതം മുൻ പാദത്തിലെ 1.94 ശതമാനത്തിൽ നിന്ന് 1.84 ശതമാനമായി കുറഞ്ഞു.